Read Akuapem Twi Contemporary Bible 2020 Nnwom 29 Bible Online

Nnwom 29 - Akuapem Twi Contemporary Bible 2020 bible

Nnwom 29

¹Dawid dwom. Momfa mma AWURADE no, mo ɔsoro abɔde, momfa anuonyam ne tumi mma AWURADE.

²Momfa anuonyam a ɛfata AWURADE din mma no; monsɔre AWURADE wɔ nʼanuonyam kronkron mu.

³AWURADE nne wɔ nsu no so; anuonyam Nyankopɔn bobɔ mu, AWURADE bobɔ mu wɔ nsu akɛse so.

⁴AWURADE nne mu wɔ tumi; AWURADE nne mu wɔ anuonyam.

⁵AWURADE nne bubu sida; AWURADE nne bubu Lebanon sida mu nketenkete

⁶Ɔma Lebanon huruhuruw te sɛ nantwi ba, na Sirion nso sɛ ɛko ba.

⁷AWURADE nne pa ma anyinam gya dɛw.

⁸AWURADE nne wosow sare so; AWURADE wosow Kades sare.

⁹AWURADE nne kyinkyim adum na ɛma kwae yɛ kwaterekwa. Nʼasɔredan mufo nyinaa teɛ mu ka se, “Anuonyam nka Onyankopɔn!”

¹⁰AWURADE di hene wɔ nsuyiri so; wɔasi AWURADE hene afebɔɔ.

¹¹AWURADE ma ne nkurɔfo ahoɔden, na ɔde asomdwoe hyira wɔn. Dwom a wɔto de buee Asɔredan no ano.