Read Akuapem Twi Contemporary Bible 2020 Yeremia 47 Bible Online

Yeremia 47 - Akuapem Twi Contemporary Bible 2020 bible

Yeremia 47

¹Ansa na Farao bɛtow ahyɛ Gasa so no, eyi ne AWURADE asɛm a ɛfa Filistifo ho a ɛbaa odiyifo Yeremia nkyɛn:

²Sɛɛ na AWURADE se: “Monhwɛ sɛnea nsu rebobɔ ba wɔ atifi fam; ɛbɛyɛ ɔhweam a abu afa so. Ebebu afa asase no ne biribiara ɛwɔ so no so, nkurow no ne nnipa a wɔtete mu. Nnipa no bɛteɛteɛ mu; wɔn a wɔte asase no so nyinaa betwa adwo

³bere a wɔate apɔnkɔ a wotu mmirika no anan ase nnyigyei, na wɔate atamfo no nteaseɛnam gyegyeegye ne wɔn ntwahonan nnyigyei no. Agyanom rentwa wɔn ani nhwɛ wɔn mma; wɔn nsa bɛsensɛn wɔn ho kwa.

⁴Na da no aba sɛ wɔsɛe Filistifo no nyinaa na wotwa wɔn a wɔaka no nyinaa gu, wɔn a anka wotumi boa Tiro ne Sidon no. AWURADE rebɛsɛe Filistifo no, nkae a wofi Kreta mpoano no.

⁵Gasa bɛbɔ tikwaw bere a ɔretwa adwo; wɔbɛma Askelon atɔ mum. Mo nkae a mowɔ tataw so, mobɛbobɔ mo ho akam akosi da bɛn?

⁶“ ‘Aa, AWURADE afoa,’ ‘da bɛn na wobɛhome? San kɔhyɛ wo boha mu; gyae na da komm.’

⁷Na ɛbɛyɛ dɛn na ada komm bere a AWURADE ahyɛ no bere a wahyɛ no se ɔnkɔtow nhyɛ Askelon ne mpoano asase no so?”