Read Akuapem Twi Contemporary Bible 2020 Hesekiel 15 Bible Online

Hesekiel 15 - Akuapem Twi Contemporary Bible 2020 bible

Hesekiel 15

¹AWURADE asɛm baa me nkyɛn se:

²“Onipa ba, ɔkwan bɛn so na bobe dutan so bɛba mfaso asen kwae mu dua foforo biara mman?

³Wotwa dua no bi de yɛ biribi a so wɔ mfaso? Wɔde yɛ pɛe a wɔde nneɛma sensɛn so ana?

⁴Na sɛ wɔde ne nnyina hyɛ ogya mu na eti ne ti hyew ma mfimfini yɛ nso a, so ba mfaso bi ana?

⁵Na sɛ so amma mfaso bere a ɛyɛ mua no a, ɛbɛyɛ dɛn na wobetumi de ayɛ ade bi a mfaso wɔ so, bere a ahyew atɔ nso no?

⁶“Enti sɛɛ na Otumfo AWURADE se: Sɛnea mede bobe dua a ɛfra kwaennua ama sɛ wɔmfa nsɔ ogya no, saa ɔkwan no ara so na mede nnipa a wɔte Yerusalem no nso bɛfa.

⁷Metu mʼani asi wɔn so. Ɛwɔ mu sɛ wɔafi ogya no mu de, nanso ɛbɛhyew wɔn bio. Na sɛ mitu mʼani si wɔn so a, wubehu sɛ mene AWURADE.

⁸Mɛma asase no ada mpan efisɛ wɔanni nokware, Otumfo AWURADE asɛm ni.”