Read Akuapem Twi Contemporary Bible 2020 Yosua 12 Bible Online

Yosua 12 - Akuapem Twi Contemporary Bible 2020 bible

Yosua 12

¹Eyinom ne ahemfo a wɔwɔ Asubɔnten Yordan apuei fam a wokunkum wɔn na wɔfaa wɔn nsase. Wɔn nsase no fi Arnon Subon kosi Bepɔw Hermon so a Yordan Bon asase a ɛwɔ apuei fam nyinaa ka ho.

²Wodii Amorihene Sihon a na ɔte Hesbon no so. Na nʼaheman bi ne Aroer a ɛwɔ Arnon Subon ano na ɛsen fi ne mfimfini kosi Asubɔnten Yabok a ɛda hɔ sɛ ɔhye ma Amorifo no. Nnɛ yi, Gilead fa a ɛda Asubɔnten Yabok atifi no ka ɔmantam no ho.

³Efi Yordan bon atifi a ɛbɛn Galilea po no atɔe fam mpoano na esian ba anafo fam besi Nkyene Po, fi Bet-Yesimot kosi Pisga nsian so hyɛɛ Sihon ase.

⁴Basanhene Og a otwa Refaitefo to no tenaa Astarot ne Edrei asase so.

⁵Na odii hene wɔ ɔman a efi Bepɔw Hermon so de kosi Saleka wɔ atifi fam ne Basan a ɛwɔ apuei fam nyinaa, de kɔ atɔe fam kosi Gesurfo ne Maakatfo ahemman hye so. Gilead fa a ɛwɔ atifi fam, ne ɔfa a aka a na ɛwɔ Hesbonhene Sihon asase mu no ka ho.

⁶Na Mose a ɔyɛ AWURADE somfo no ne Israelfo atɔre ɔhene Sihon ne ɔhene Og nkurɔfo ase. Mose de wɔn asase maa Ruben ne Gad mmusuakuw ne Manase abusua fa no.

⁷Saa ahemfo a wɔn din didi so yi na Yosua ne Israel nsraadɔm dii wɔn so wɔ Yordan atɔe fam fi Baal-Gad wɔ Lebanon bon mu de kosi Halak bepɔw a ekosi Seir no. (Na Yosua de asase no maa Israel mmusuakuw no sɛ wɔn agyapade,

⁸a ɛne, bepɔw so man, atɔe fam nkoko, Yordan Bon, mmepɔw mmepɔw nsian, Yudean sare so ne Negeb. Nnipa a na wɔte saa beae hɔ no yɛ Hetifo, Amorifo, Kanaanfo, Perisifo, Hewifo ne Yebusifo.) Eyinom ne ahemfo a Israel dii wɔn so nkonim:

⁹Yerikohene — baako Ai a ɛbɛn Bet-El hene — baako

¹⁰Yerusalemhene — baako Hebronhene — baako

¹¹Yarmuthene — baako Lakishene — baako

¹²Eglonhene — baako Geserhene — baako

¹³Debirhene — baako Gaderhene — baako

¹⁴Hormahene — baako Aradhene — baako

¹⁵Libnahene — baako Adulamhene — baako

¹⁶Makedahene — baako Bet-Elhene — baako

¹⁷Tapuahene — baako Heferhene — baako

¹⁸Afekhene — baako Lasaronhene — baako

¹⁹Madonhene — baako Hasorhene — baako

²⁰Simronhene — baako Aksafhene — baako

²¹Taanakhene — baako Megidohene — baako

²²Kedeshene — baako Yokneam a ɛwɔ Karmel ase hene — baako

²³Dor a ɛwɔ Dor koko so hene, — baako amanaman a ɛwɔ Gilgal no hene ne — baako

²⁴Tirsahene — baako — Ahemfo a wɔsɛe wɔn ne wɔn nkurow nyinaa ano si aduasa baako.