Read Akuapem Twi Contemporary Bible 2020 Yosua 19 Bible Online

Yosua 19 - Akuapem Twi Contemporary Bible 2020 bible

Yosua 19

¹Asase no nkyemu a ɛto so abien no kɔɔ Simeon abusuakuw no nsam. Na Yuda asase atwa wɔn ho ahyia.

²Na nea edidi so yi ne Simeon agyapade: Beer-Seba, Seba ne Molada,

³Hasar-Sual, Bala ne Esem,

⁴Eltolad, Betul ne Horma,

⁵Siklag, Bet-Markabot ne Hasar-Susa,

⁶Bet-Lebaot ne Saruhen. Nkurow dumiɛnsa ne wɔn nkuraa.

⁷Nkurow a ɛka ho bio ne Ain, Rimon, Eter ne Asan, nkurow anan ne wɔn nkuraa,

⁸ne nkuraa a ɛwɔ anafo fam kosi Baalat-Beer, nea ɛwɔ Negeb a wɔfrɛ no Rama no. Eyi ne mmusua a wɔwɔ Simeon abusuakuw mu no agyapade.

⁹Wɔn agyapade no yɛ Yuda de no fa bi a wɔde maa Yuda, efisɛ na Yuda asase no so dodo ma wɔn. Ɛno nti, Simeon abusuakuw no nyaa wɔn agyapade fii Yuda asase no mu.

¹⁰Asase no nkyemu a ɛto so abiɛsa no kɔɔ mmusua a wɔbɔ mu yɛ Sebulon abusuakuw no nsam. Sebulon agyapade hye no fi ase wɔ Sarid.

¹¹Efi hɔ kɔ atɔe fam, kɔpa Marala ho na akɔka Dabeset. Ɛfa hɔ kɔ Yokneam apuei fam asuwa ho.

¹²Ɔhye no fa fi Sarid kɔ apuei fam kosi Kislot-Tabor; ɛtoa so kɔ Daberat na aforo akɔ Yafia.

¹³Afei, ɛtoa so kɔ apuei fam kodu Gat-Hefer, Et-Kasin ne Rimon, na adan ahwɛ Nea.

¹⁴Sebulon hye a ɛda atifi fam no fa Hanaton na ebewie wɔ Yifta-El bon mu.

¹⁵Nkurow ɛwɔ asase yi so ne: Katat, Nahalal, Simron, Yidala ne Betlehem.[8] Nkurow dumien ne wɔn nkuraa a atwa ho ahyia.

¹⁶Eyi ne mmusua a ɛbɔ mu yɛ Sebulon abusuakuw no agyapade.

¹⁷Asase no nkyɛmufa a ɛto so anan no kɔɔ mmusua a wɔbɔ mu yɛ Isakar abusuakuw no nsam.

¹⁸Nʼahye nenam saa nkurow yi so: Yesreel, Kesulot ne Sunem,

¹⁹Hafraim, Shion ne Anaharat,

²⁰Rabit, Kision ne Abes,

²¹Remet, En-Ganim, En-Hada ne Bet-Pases.

²²Ɔhye no kɔfa Tabor, Sahasima ne Bet-Semes na akowie wɔ Asubɔnten Yordan ho. Nkurow dunsia ne wɔn nkuraa a atwa ho ahyia.

²³Eyi ne mmusua a wɔbɔ mu yɛ Isakar abusuakuw no agyapade.

²⁴Asase no nkyemu a ɛto so anum no kɔɔ mmusua a wɔbɔ mu yɛ Aser abusuakuw no nsam.

²⁵Nʼahye no fa saa nkurow yi so: Helkat, Hali, Beten ne Aksaf,

²⁶Alamelek, Amad ne Misal. Ɔhye a ɛda atɔe fam no fi Karmel kɔ Sihor-Libnat,

²⁷na ebukaw fa apuei fam kɔ Bet-Dagon, kɔ ara kosi Sebulon wɔ Yifta-El bon no mu, kɔ atifi fam kodu Bet-Emek ne Neiel. Ɛtoa so kɔ atifi fam, kɔfa Kabul,

²⁸ne Ebron ne Rehob ne Hamon ne Kana, kɔ ara kosi Sidon Kɛse.

²⁹Afei ɔhye no dan kɔfa Rama ne Kuropɔn Tiro a wɔabɔ ho ban no besi Po Kɛse no ho wɔ Hosa. Nkurow a ɛwɔ asase no so bi ne Mehebel ne Aksib,

³⁰Uma, Afek ne Rehob, Nkurow aduonu abien ne wɔn nkuraa a atwa ho ahyia.

³¹Eyi ne mmusua a ɛbɔ mu yɛ Aser abusuakuw no agyapade.

³²Asase no nkyemu a ɛto so asia no kɔɔ mmusua a wɔbɔ mu yɛ Naftali abusuakuw no nsam.

³³Ne hye no fi Helef, Saananim dupɔn no ho, kɔfa Adami-Nekeb ne Yabneel, toa so kɔ Lakum kɔpem Asubɔnten Yordan.

³⁴Atɔe fam hye no twam wɔ Asnot-Tabor kɔ Hukok, kosi Sebulon hye no wɔ anafo fam, Aser hye wɔ atɔe fam ne Asubɔnten Yordan wɔ apuei fam.

³⁵Mantam yi mu nkuropɔn a na wɔabɔ ho ban no ne Sidim, Ser, Hamat, Rakat ne Kineret,

³⁶Adama, Rama ne Hasor,

³⁷Kedes, Edrei ne En-Hasor,

³⁸Yiron, Midgal-el, Horem, Bet-Anat ne Bet-Semes. Nkurow dunkron ne wɔn nkuraase a atwa ho ahyia.

³⁹Eyi ne mmusua a wɔbɔ mu yɛ Naftali abusuakuw no agyapade.

⁴⁰Asase no nkyemu a ɛto so ason no kɔɔ mmusua a wɔbɔ mu yɛ Dan abusuakuw no nsam.

⁴¹Nkurow a na ɛwɔ Dan agyapade mu no bi yɛ Sora, Estaol ne Ir-Semes,

⁴²Saalabin, Ayalon ne Yitla,

⁴³Elon, Timna ne Ekron,

⁴⁴Elteke, Gibeton ne Baalat,

⁴⁵Yehud, Bene-Berak ne Gat-Rimon,

⁴⁶Me-Yarkon, Rakon ne asase a ɛda Yopa anim.

⁴⁷Nanso Dan abusuakuw no nyaa akwanside wɔ wɔn asase no fa ho enti wɔko tiaa Lesem. Wodii kurow no so, kunkum mu nnipa, faa hɔ, tenaa hɔ. Wɔde wɔn tete agya Dan din too kurow no.

⁴⁸Eyi ne mmusua a wɔbɔ mu yɛ Dan abusuakuw no agyapade, saa nkurow yi ne wɔn nkuraa.

⁴⁹Wɔkyekyɛɛ asase no mu maa Israel mmusuakuw no wiee no, Israelfo no maa Yosua asase sin sononko bi sɛ nʼagyapade.

⁵⁰Na AWURADE aka se kurow biara a Yosua pɛ no, ɔmfa. Yosua faa Timmat-Sera a ɛwɔ Efraim bepɔw asase no so. Ɔkyekyeree kurow no foforo na ɔtenaa hɔ.

⁵¹Eyinom ne agyapade a ɔsɔfo Eleasar, Nun babarima Yosua ne mmusuakuw mpanyimfo no nam ntontobɔ kronkron a wɔbɔɔ wɔ AWURADE anim wɔ hyiadan pon no ano wɔ Silo no de maa Israel mmusuakuw no. Enti ɛmaa asase no mu kyekyɛ baa awiei.