Read Alemannische Bibel NT Matthäus 23 Bible Online

Matthäus 23 - Alemannische Bibel NT bible

Matthäus 23

¹Do schwätzt Jesus zum Volk un zue sinene Jinger

²un het gsait: Uf däm Schtuehl vum Moses hocke d Schriftglehrti un Pharisäer.

³Alles drno, was sie äich sage, des den un hebet (haltet); aba nohch ihre Werke sollt ihr nit handle; denn sie sages zwar, dens aba nit.

⁴Sie binde schwäri un unerträglichi Laschte un lege sie d Lit uf d Schulta; aba sie selbscht wen kei Finga dfir krumm mache.

⁵Alli ihri Werke aba den sie, dmit sie vu d Lit gsähne wäre. Sie mache ihri Gebetsrieme breit un de Quaschte an ihre Kleida groß.

⁶Sie hocke gern obena bim Disch un in d Synagoge (Gotteshus) (Gotteshiisa)

⁷un hän's gern, daß sie uf fem Markt greßt un vu d Lit Rabbi gnennt wäre.

⁸Aba ihr sollt äich nit Rabbi nenne losse; denn eina isch aicha Meischta; ihr aba sin alles Breda.

⁹Un ihr sollt nemads unda äich Vada (Babbe) nenne uf Erde; denn eina isch aicha Vada (Babbe), der im Himmel isch.

¹⁰Un ihr sollt äich nit Lehrer nenne losse; denn eina isch aicha Lehrer: Chrischtus.

¹¹Der greschte unda äich soll aicha Diena si.

¹²Denn wer sich selbscht hoch gmacht het, der wird niedrig gmacht; un wer sich selbscht niedrig macht, der wird hoch gmacht .

¹³Mai äich, Schriftglehrti un Pharisäer, ihr Heuchla, de ihr s Himmelrich zueschleßt vor d Mensche! Ihr gehn nit inä, un de inä wen, len ihr nit inegoh.

¹⁴"Weh äich, Schriftglehrti un Pharisäer, ihr Heuchla, de ihr d Hiisa vu d Witwe freßt un zum Schien langi Gebete vurichtet! Drum wäre ihr ä um so härteres Urdeil gregä" (vgl. Mk 12,40).

¹⁵Mai äich, Schriftglehrti un Pharisäer, ihr Heuchla, de ihr Land un Meer durchzeht, dmit ihr ä Judengenosse gwinnt; un wenn er's wore isch, macht ihr üs nem ä Kind vu d Hell, doppelt so schlimm we ihr.

¹⁶Mai äich, ihr vublendeti Führer, de ihr sage: Wenn eina schwört bi däm Tempel, des gilt nit; wenn aba eina schwört bi däm Gold vum Tempel, der isch bunde.

¹⁷Ihr Narre un Blindi! Was isch me: des Gold odr dr Tempel, der des Gold heilig macht?

¹⁸Odr: Wenn eina schwört bi däm Altar, des gilt nit; wenn aba eina schwört bi däm Opfa, des druf liet, der isch bunde.

¹⁹Ihr Blindi! Was isch me: des Opfa odr dr Altar, der des Opfa heilig macht?

²⁰Drum, wer schwört bi däm Altar, der schwört bi nem un bi allem, was druf liet.

²¹Un wer schwört bi däm Tempel, der schwört bi nem un bi däm, der drin wohnt.

²²Un wer schwört bi däm Himmel, der schwört bi däm Thron Gottes un bi däm, der druf hockt.

²³Mai äich, Schriftglehrti un Pharisäer, ihr Heuchla, de ihr d Zehnte gen vu Minze, Dill un Kümmel un len des Wichtigschte im Gsetz uf d siete, nämlich des Recht, d Barmherzigkeit un d Glaube! Doch des soll ma doe un jenes nit losse.

²⁴Ihr vublendeti Führer, de ihr Mücke üssiebe den, aba Kamele vuschlucke den!

²⁵Mai äich, Schriftglehrti un Pharisäer, ihr Heuchla, de ihr d Becha un Schissle uße reinigt, innen aba sin sie volla Raub un Gier!

²⁶Dü blinde Pharisäer, reinige zerscht s Innere vum Becha, dmit au s Ußere sufa wird!

²⁷Mai äich, Schriftglehrti un Pharisäer, ihr Heuchla, de ihr sin we di ibatünchte Gräba, de vu uße hübsch ussehn, aba inne sin sie volla Dotebei un luta Unrat!

²⁸So au ihr: vu uße schient ihr vor d Mensch fromm, aba inne sin ihr volla Haichelei un Unrecht.

²⁹Mai äich, Schriftglehrti un Pharisäer, ihr Heuchla, de ihr d Prophete Grabmäla bäut un de Gräba vu d Grechte schmückt

³⁰un sage: Hätte ma (mir) zue d Ziit unsera Vädare gläbt, so wäre ma (mir) nit mit ne schuldig wore am Bloet vu d Prophete!

³¹Dmit beziige ihr vu äich selbscht, daß ihr Kinda dera sin, de d Prophete umbrocht hän.

³²Wohlau, macht au ihr des Maß äira Vädare voll!

³³Ihr Schlange, ihr Otternbruet! We wen ihr dr höllische Vudammnis entrinne?

³⁴Drum: lueg (gib obacht), i (ich) schick zue äich Prophete un Schriftglehrti; un vu däne den ihr ä baar umbringe un kriizige, un ä baar den ihr üsbeitsche in äire Synagoge (Gotteshus) (Gotteshiisa) un den sie jage vu einare Schtadt zue d andere,

³⁵dmit iba äich kummt all des Grechte Bloet, des vuschittet isch uf d Erde, des Bloet vum Grechte Abel a bis uf des Bloet vum Secharja, vum Bue Berechjas, den ihr umbrocht hän zwische Tempel un Altar.

³⁶Gwiß, i (ich) sag äich: des alles wird iba des Gschlecht kumme.

³⁷Jerusalem, Jerusalem, de dü umbringsch d Prophete un schteinigsch, de zue dir gschickt sin! We me (oft) ha i (ich) dini Kinda vusammle welle, we ä Henne ihri Gigile (Bibile) vusammelt unda ihri Fligel; un ihr hän nit welle!

³⁸lueg (gib obacht), "äira Hus soll äich wescht wäre" (Jeremia 22,5; Psalm 69,26).

³⁹Denn i (ich) sag äich: Ihr den mi vu etzed a nit aluege, bis ihr sage den: Globt isch, der do kummt im Name vum Herrn!