Read Alemannische Bibel NT Markus 1 Bible Online

Markus 1 - Alemannische Bibel NT bible

Markus 1

¹Am Afang vum Evangelium vu Jesus Chrischtus, vum Herr-Gott sinem Bue,

²we s bi de Prophete stoht: lueg, i (ich) schick mi Knecht vor da her, der macht di Wäg.

³S isch ä Schtimme vu nem Prediga in d Wüeschde: richtet d Wäg vum Herr, macht sini Wägli richtig!

⁴Johannes isch in d Wüschde gsi, er het dauft un predigt, ma soll sich zue dr Buße daufe lo, das ma d Sindevugebig kregt.

⁵S ganze Jüdische Land isch zue nem üsä gange, au de vu Jerusalem un hän sich alli im Jordan daufe lo un hän ihri Sinde gsaid.

⁶Johannes het ä Häß (Kleid) üs Kamelhoor un ä läderne Girtel agha, er het Heigumper un wildä Hunig gässe.

⁷Er het predigt un gsaid, s kund eina nooch ma (mir), der isch stärker als i (ich); i (ich) bi nit wert, das i (ich) mich vor rem buck un sini Schuehreme ufbind.

⁸Ich dauf äich mit Wassa; aber der doet äich mit däm Heiligä Geischt daufe.

⁹S isch de Ziit ku, wo Jesus vu Galiläa vu Nazareth ku isch un het sich vum Johannes im Jordan daufe lo.

¹⁰Drno isch Jesus üs sem Wassa gschdiegä un het gsäh, we sich dr Himmel ufdoe het un d Geischt we ne Duebe uf nen abeku isch.

¹¹Un ä Schtimmä isch vum Himmel ku: Dü bisch mi gliebte Bue, wägä dir ha i viel freud.

¹²Un gli het nen d Geischt in d Wüschde gjagt.

¹³Do isch scha vierzig Dag lang gsi, un dr Sadan het nen vusoecht, un na isch bi d wildä Tiere gsi, un d Engel hän nem dent.

¹⁴Wo Johannes gfange gsi isch, isch Jesus uf Galiläa ku un het s Evangelium vum Rich Gottes predigt un het gsaid:

¹⁵D Ziit isch z end, un s Rich Gottes isch kummä. Den Buße un glaube an´s Evangelium!

¹⁶Wo Jesus am Galiläische Meer rumglaufe isch, het da dr Simon un däm si Broeder, dr Andreas gsähnä; sie hän ihri Netz ins Wassa gworfe, wel sie Fischa ware.

¹⁷Do het Jesus zue nene gsaid: Kummä mit ma (mir), i (ich) mach üs äich Menschefischa!

¹⁸Gli hän sie ihri Netz liege lo un sin mit nem gange.

¹⁹Wo na dann (dnoh) ä weng gege gange isch, het da d Jakobus, im Zebedäus si Bue, un däm si Broeder, d Johannes gsaeh; sie hän im Schiff d Netz gflickt, un gli het da sie gruefä.

²⁰Sie hän d Vadr Zebedäus mit d Helfa im Schiff glo un sin mit Jesus gange.

²¹Dann (Dnoh) sin sie uf Kapernaum gange, un gli isch scha am Sabbat in d Synagoge un het glehrt.

²²Alli hän sich iba sini Lehr arg gwunderet, wel la ganz gwaltig predigt het, nit so we d Schriftglehrte.

²³In dr Synagoge isch ä Mensch gsi, der isch vu nem usuebere Geischt bsesse gsi, der het brellt

²⁴un gsaid: Halt, was hän ma (mir) mit dir zdoe, Jesus vu Nazaret? Bisch dü kumme um uns (us) z vuderbe. Ich kenn di: Dr Heilige Gottes.

²⁵Un Jesus het nem droht un gsaid: Bisch ruhig un fahr üsä vu däm!

²⁶Do het nen dr Geischt hin un her grisse un het lüt brellt un isch vu nem üsgfahre.

²⁷Do hän sich alli gwunderet un hän änander gfrogt un gsaid: Was isch des fir ä neui lehr? Er bfliehlt mit Gwalt de usuebere Geischter un sie folg nem.

²⁸Im ganze galiläische Land het ma vu nem gschwätzt.

²⁹Un Drno sin sie üs d Synagoge üsegange un mit nem Jakobus un Johannes ins Hus vum Simon un Andreas ku.

³⁰Im Simon si Schiegamueter het Feber gha un sie hän nem s gsaid.

³¹Er isch zue n ere gange, het sie an dr Hand gnu un ufgrichtet, uns (us) Feber isch wäg gange; drno het sie däne s Ässä ge.

³²Z obe, wo d Sunne untergange isch, hän sie vieli Kranki un Bsesseni zue nem brocht.

³³Un de ganzi Stadt het sich vor d Dire vusammelt.

³⁴Er het vieläne ghulfe, wo vuschiedeni Krankete gha hän, er het vieli Deufel üstriebe, de hän aba nit sage derfe, das se nen kenne

³⁵Am Morge, wo s noh dunkel gsi isch, isch Jesus ufgstande un üsegange an ä Schtell, wo na älleinig gsi isch un het dert bätet. er

³⁶Petrus un de, wo bi nem gsi sin, sin nem nochgange.

³⁷Wo se nen gfunde hän, hän se zue nem gsaid: Alli soeche di.

³⁸Er het ne aba als Antwort ge: Len uns (us) in de andere Schtädt go, wel i (ich) au dert predige; denn wägä däm bin i kumme.

³⁹Er het in d Synagoge in ganz Galiläa predigt un het vieli besi Geischter üstriebe.

⁴⁰Do isch ä Üssätzige zue nem ku, der isch vor nem anegniet un het gsaid: Wenn dü wilsch, kasch dü mich gsund mache.

⁴¹Jesus het Mitleid mit nem gha, het si Hand üsgstreckt, het nen agrirt un gsaid: Ich will´s mache: bi sufer!

⁴²Un wo na des so gsaid het, isch dr Üssatz gli vu nem weck gange, un dr Ma isch gsund gsi.

⁴³Jesus het nen bedrot un het nen furtgschickt

⁴⁴un zue nem gsaid: lueg zue, das dü keinem dvu ebis saisch: sondern gang un zeig di däm Prieschter un opfre fir dini Xundheit, des was Moses vuordnet het, dähne zum zigniss.

⁴⁵Wo dr Ma aba furtgange isch, het da (er) ällei dvu vuzellt, un de Gschicht isch ibaall vuzellt wore; dorum het Jesus vu etzed a nimmi am Dag in d Schtadt go kenne; er isch drusse gsi an neme insame Eckli, un de sin zue nem ku vu ällei Ecke un Ende.