Read Alemannische Bibel NT Lukas 23 Bible Online

Lukas 23 - Alemannische Bibel NT bible

Lukas 23

¹Un de ganzi Vusammlig (Bagasch) schtoht uf, un sie fihre nen vor Pilatus

²un fange a, nen z vuklage, un sage: Mir hän gfunde, daß der unsa Volk aufhetzt un vubietet, däm Kaisa Schtiire (Zinsgrosche) z ge, un sait, er isch Chrischtus, ä Kenig.

³Pilatus aba het nen gfrogt un sait: Bisch dü dr Jude Kenig? Er git zantwort nem un sait: Dü saisch`s.

⁴Pilatus sait zue d Hohenpriester un zum Volk: Ich find kei Schuld a däm Ma.

⁵Sie aba wäre noh bambliga un sage: Er wiegelt s Volk uf, daß er lehrt do un dert in ganz Judäa, agfange vu Galiläa bis dona.

⁶Als aba Pilatus des ghärt het, frogt da, ob der Ma üs Galiläa wär.

⁷Un als er ghärt het, daß sa ä Gvolksma vum Herodes war, schickt da (er) nen zum Herodes, der in däne Däg au in Jerusalem war.

⁸Als aba Herodes Jesus sieht, freut er sich arg; denn er het nen längscht gerne gsähne; denn er het vu nem ghärt un ghofft, er wird ä Zeiche vu nem säh.

⁹Un na (er) het nen viel gfrogt. Er aba git zantwort nem nigs.

¹⁰D Hohenpriester aba un Schriftglehrti sin däbi gschtande un vuklage nen arg.

¹¹Aba Herodes mit sinene Soldate vuachte un vuschpotte nen, lege nem ä wießes Gwand (Häß) a un schicke nen zruck zum Pilatus.

¹²Sit däm Dag ware Herodes un Pilatus Freunde; denn dvor ware sie änanda feind.

¹³Pilatus aba reft d Hohenpriester un d Obere un s Volk zsämme

¹⁴un sait zue nene: Ihr hän den Mensch zue ma (mir) brocht als eina, der s Volk ufwiegelt; un luege, i (ich) ha nen vor äich vuhert un ha a däm Mensch kei Schuld gfunde, deretwäge ihr nen aklagt;

¹⁵Herodes au nit, denn er het nen uns (us) zruckgschickt. Un lueg, er het nigs doe, was d Dod vudent.

¹⁶

¹⁷Drum will i (ich) nen schla losse un losge.

¹⁸Do brellä sie alli mitänanda: Wäg mit däm, gib uns (us) Barabbas los!

¹⁹Der war wägä nem Ufruhr, der in dr Schtadt gschähe war, un wägä nem Mord ins Gfängnis (Loch) gworfe worde.

²⁰Do schwätzt Pilatus abamols uf sie i, wel er Jesus losge wot.

²¹Sie refe aba: Kriizig, kriizig nen!

²²Er aba sait zum dritte Mol zue nene: Was het denn der Beses doe? Ich ha nigs a nem gfunde, was d Dod vudent; drum will i (ich) nen schla losse un losge.

²³Aba sie schellte mit großem Gschrei (Geblär) un vulange, daß er kriizigt wird. Un ihr Gschrei (Geblär) nimmt ibahand.

²⁴Un Pilatus urdeilt, daß ihri Bitte erfillt wird,

²⁵un hän den los glo, der wägä Ufruhr un Mord ins Gfängnis (Loch) gworfe worde war, aba Jesus ibagit da ihrem Wille.

²⁶Un als sie nen abfihre, packe sie ä Ma, Simon vu Kyrene, der vum Feld kummt, un lege s Kriiz uf nen, daß er's Jesus nochtrait.

²⁷S goht nem aba ä großi Schar un Wieba nooch, de klage un hiile iba nen.

²⁸Jesus aba drillt sich um zue nene un sait: Ihr Techta vu Jerusalem, hiile nit iba mich, sundern hiile iba äich selbscht un iba äiri Kinda.

²⁹Denn luege, s wird de Ziit kumme, in der ma sage wird: Selig sin de Unfruchtbare un de Leiba (Ranze), de nit uf d Welt brocht hän, un de Buse, de nit zässä ge hän!

³⁰Dann (Dnoh) wäre sie afange, z sage zue d Berge: Flege iba uns (us)! un zue d Higel: Deck uns (us) zue!

³¹Denn wenn ma des am grene Holz doet, was wird ma am dirre doe?

³²S wäre aba au anderi higfihrt, zwei Ibeltäta, daß sie mit nem higrichtet wäre.

³³Un als sie kumme an d Platz, der heißt Schädelstätte, kriizige sie nen dert un de Ibeltäta mit nem, eina zue d Rechte un eina zue d Linke.

³⁴Jesus aba sait: Vada (Babbe), vugib bene; denn sie wisse nit, was sie den! Un sie vudeilte sini Kleida un werfe s Los drum.

³⁵Un s Volk schtoht do un luegt zue. Aba de Obere schelte un sage: Er het andere ghulfe; er soll sich selba helfe, isch er dr Chrischtus, dr Üserwählte Gottes.

³⁶So vuschpotte nen au d Soldate, stehn uf un bringe nem Essig

³⁷un sage: Bisch dü dr Jude Kenig, so hilf dir selba!

³⁸S war aba iba nem au ä Ufschrift: Des isch dr Jude Kenig.

³⁹Aba eina vu d Ibeltäta, der am Kriiz hangt, läschtert un sait: Bisch dü nit dr Chrischtus? Hilf dir selbscht un uns (us)!

⁴⁰Do wiest nen dr andere zrecht un sait: Un dü firchtesch di au nit vor Gott, dr dü doch in gliecha Vudammnis bisch?

⁴¹Mir sin s zwar mit Recht, denn ma (mir) gregä, was unsri Tade vudene; der aba het nigs Unrechtes doe.

⁴²Un na (er) sait: Jesus, denk an mi, wenn dü in di Rich kummsch!

⁴³Un Jesus sait zue nem: Gwiß, i (ich) sag da: Hiit wirsch dü mit ma (mir) im Paradies si.

⁴⁴Un s war scho um d sechste Schtund, un s kummt ä Nacht iba des ganze Land bis zue d ninte Schtund,

⁴⁵un d Sunne het nit gschiene, un dr Vorhang vum Tempel riß midde entzwei.

⁴⁶Un Jesus reft lut: Vada (Babbe), i (ich) bfehl mi Geischt in dini Händ (Pfode)! Un als er des gsait het, isch er gschtorbe.

⁴⁷Als aba dr Hauptma sieht, was do bassiert isch, priest er Gott un sait: Gwiß, der isch ä fromme Mensch gsi!

⁴⁸Un als alli Lit, de däbi ware un zuegluege, sähn, was do bassiert isch, schlen sie sich an ihri Bruscht un kähre wieda um.

⁴⁹Do gschtande sin aba alli sini Bekannte vu wietem, au de Wieba, de nem üs Galiläa nohchgange ware, un sähn des alles.

⁵⁰Un lueg, do war ä Ma mit Name Josef, ä Rotsherr, dr war ä guete, fromme Ma

⁵¹un het ihr Rot un ihr Handel nit billigt. Er war üs Arimathäa, ä Schtadt vu d Jude, un het gwartet uf des Rich Gottes.

⁵²Der goht zue Pilatus un bittet um d Leib (Ranze) vu Jesus

⁵³un nimmt nen ab, wickelt nen in ä Lienduech un legt nen in ä Felsegrab, in däm nooch ne jemads gläge het.

⁵⁴Un s war Rischtdag, un dr Sabbat bricht a.

⁵⁵S folge aba d Wieba nohch, de mit nem kumme ware üs Galiläa, un bschaute s Grab un we si Leib (Ranze) riglegt wird.

⁵⁶Sie kähre aba um un mache El un Salbe parrat. Un d Sabbat iba roehe sie nohch rem Gesetz. CAPTION Jesu Uferschtehig /CAPTION