Read Alemannische Bibel NT Johannes 9 Bible Online

Johannes 9 - Alemannische Bibel NT bible

Johannes 9

¹Un Jesus goht vorbi un sieht ä Mensch, der blind uf d Welt kumme war.

²Un sini Jinger froge nen un sage: Meischta, wer het gsindigt, der odr sini Eltere, daß sa (er) blind uf d Welt kumme isch?

³Jesus git zantwort: S het nit der gsindigt noh sini Eltere, sundern s solle de Werke Gottes bekannt wäre a nem.

⁴Mir mehn de Werke, vu däm der mi gschickt het doe, solang`s Dag isch; s kummt d Nacht, do nemads wirke ka.

⁵Solang i (ich) in d Welt bi, bi i (ich) des Lecht dr Welt.

⁶Als sa (er) des gsait het, spuckt da uf d Bode, macht drus ä Brei un strich d Brei uf d Aug vum Blindä.

⁷Un na (er) sait zue nem: Gang zum Teich Siloah - des heißt ibasetzt: gschickt - un wäsch di! Do goht da (er) hi un wäscht sich un kummt sehend wieda.

⁸D Nochbere etze un de, de nen freher als Bettler gsähne hän, sage: Isch des nit der Ma, der dogsäße un bettlet het?

⁹Ä baar sage: Er isch's; andere: Nei, aba na (er) isch nem ähnlich. Er selbscht aba sait: Ich bi's.

¹⁰Do froge sie nen: We sin dini Auge ufdoe worde?

¹¹Er git zantwort: Der Mensch, der Jesus heißt, het ä Brei gmacht un schtricht nen uf mini Auge un sait: Gang zum Teich Siloah un wäsch di! Ich bi higange un ha mi gwäsche un ka wieda säh.

¹²Do froge sie nen: Wo isch scha? Er git zantwort: Ich weiß ses nit.

¹³Do fihre sie nen, der dvor blind gsi war, zue d Pharisäer.

¹⁴S war aba Sabbat a däm Dag, als Jesus d Brei macht un sini Auge ufdoe het.

¹⁵Do froge nen au d Pharisäer, we na sehend wore wa. Er aba sait zue nene: Ä Brei het da ma (mir) uf Auge glegt, un i (ich) ha mi gwäsche un bi etze sehend.

¹⁶Do sage ä baar vu d Pharisäer: Der Mensch isch nit vu Gott, wel la d Sabbat nit hebet (haltet). Anderi aba sage: We ka ä sindige Mensch solchi Zeiche doe? Un s entschtoht Zwitracht unda ne.

¹⁷Do sage sie wieda zum Blindä: Was saisch dü vu nem, daß sa dini Auge ufdoe het? Er aba sait: Er isch ä Prophet.

¹⁸Etze glaube d Jude nit vu nem, daß sa blind gsi un sehend wore wa, bis sie däm sini Eltere refe, der sehend wore wa,

¹⁹un sie froge sie un sage: Isch des aicha Bue, vu däm ihr sage, er isch blind uf d Welt kumme ? Wieso isch scha (er) etze sehend?

²⁰Sini Eltere antworte ne un sage: Mir wisse, daß der unsa Bue isch un daß sa blind uf d Welt kumme isch.

²¹Aba wieso er etze säh ka, wisse ma (mir) nit, un wer nem sini Auge ufdoe het, wisse ma (mir) au nit. Froge nen, er isch alt gnoe; len nen fir sich selbscht schwätze.

²²Des sage sini Eltere, denn sie firchte sich vor d Jude. Denn d Jude hän sich scho geinigt: wenn jemads nen als d Chrischtus bekenne doet, der soll üs dr Synagoge (Gotteshus) üsgschtoße wäre.

²³Drum sage sini Eltere: Er isch alt gnoe, froge nen selbscht.

²⁴Do refe sie noh mol, der blind gsi war, un sage zue nem: Gib Gott d Ehri! Mir wisse, daß der Mensch ä Sinda isch.

²⁵Er git zantwort: Isch er ä Sinda? Des weiß i (ich) nit; ebis aba weiß i (ich): daß i (ich) blind war un bi etze sehend.

²⁶Do froge sie nen: Was het da (er) mit dir doe? We het da (er) dini Auge ufdoe?

²⁷Er git ne zantwort: Ich ha`s äich scho gsait, un ihr hän's nit ghärt ! Was wen ihr's abamols härä? Wellet ihr au sini Jinger wäre?

²⁸Do schmähe sie nen un sage: Dü bisch si Jinger; ma (mir) aba sin Moses sini Jinger.

²⁹Mir wisse, daß Gott mit Moses gschwätzt het; woher aba der isch, wisse ma (mir) nit.

³⁰Der Mensch git zantwort un sait zue nene: Des isch komisch, daß ihr nit wißet, woher er isch, un na (er) het mini Auge ufdoe.

³¹Mir wisse, daß Gott d Sinda nit erhäre doet; sundern den, der gottesfirchtig isch un si Wille doet, den erhärt da.

³²Vu Afand dr Welt a het ma nit ghärt , daß jemads nem Blindgeborenen d Auge ufdoe het.

³³Wär der nit vu Gott, kennt da nigs doe.

³⁴Sie sage zue nem: Dü bisch ganz in Sinde uf d Welt kumme un lehrsch uns (us)? Un sie schtoße nen üsä.

³⁵S kummt vor Jesus, daß sie nen üsgschtoße hän. Un als sa (er) nen findet, het da gfrogt: Glaubsch dü an d Menschebue?

³⁶Er git zantwort un sait: Herr, wer isch's? daß i (ich) a nen glaube ka.

³⁷Jesus sait zue nem: Dü hesch nen gsähne, un der mit dir schwätzt, der isch's.

³⁸Er aba sait: Herr, i (ich) glaub, un bätet nen a.

³⁹Un Jesus sait: Ich bi zum Gricht in d Welt kumme, dmit, de nit sähn, sehend wäre, un de sähn, blind wäre.

⁴⁰Des hän ä baar vu d Pharisäer ghärt, de bi nem ware, un froge nen: Sind ma (mir) denn au blind?

⁴¹Jesus sait zue nene: Wärt ihr blind, so hättet ihr keini Sinde; wel ihr aba sage: Mir sin sehend, bliebe äiri Sinde.