Read Alemannische Bibel NT Apostelgeschichte 1 Bible Online

Apostelgeschichte 1 - Alemannische Bibel NT bible

Apostelgeschichte 1

¹D erschte Bericht ha i (ich) ge, lieba (lebe) Theophilus, vu all däm, was Jesus vu Afang a doe un glehrt het

²bis zum Dag, an däm ma (er) ufgnumme wore isch, nohchdem ma (er) d Aposchtel, de er üsgwählt het, durch d heilige Geischt der Wiesig ge het.

³Däne zeigt er sich nohch sine Liede durch vieli Bewaise als dr Lebendige un het sich säh lo unda ne vierzig Däg lang un schwätzt mit ne vum Rich Gottes.

⁴Un als er mit ne zsämme war, bpfiehlt er ne, Jerusalem nit z vulo, sundern z warte uf de Vuheißig vum Vada (Babbe), de ihr, so sait er, vu ma (mir) ghärt hän;

⁵denn Johannes het mit Wassa dauft, ihr aba solle mit däm heilige Geischt dauft wäre nit lang noh däne Däg.

⁶De etze zsämmekumme ware, froge nen un sage: Herr, wirsch dü in der Ziit des Rich fir Israel wieda ufrichte?

⁷Er sait aba zue nene: S kert äich nit, Ziit odr Schtund z wisse, de dr Vada (Babbe) in sinere Macht bschtimmt het;

⁸aba ihr den de Kraft vum heilige Geischt gregä, der uf äich kumme wird, un den mini Ziige si in Jerusalem un in ganz Judäa un Samarien un bis a des End dr Welt.

⁹Un als er des gsait het, wird da (er) ufghobe, un ä Wolke nimmt nen uf vor ihre Auge wäg.

¹⁰Un als sie nem nochluege, we na (er) gen Himmel fahrt, lueg, do sin bi nene zwei Männa gschtande in wieße Gwända.

¹¹De sage: Ihr Männa vu Galiläa, was schtehn ihr do un luege zum Himmel? Der Jesus, der vu äich wäg gen Himmel ufgnumme wird, wird so wiedakumme, we ihr nen hän gen Himmel fahre säh.

¹²Do kähre sie nohch Jerusalem zruck vum Berg, der heißt Elberg un liet nooch bi Jerusalem, ä Sabbatwäg wäg.

¹³Un als sie inekume, schtiege sie nuf in des Obagmach vum Hus, wo sie sich als ufhalte den: Petrus, Johannes, Jakobus un Andreas, Philippus un Thomas, Bartholomäus un Matthäus, Jakobus, dr Bue vum Alphäus, un Simon dr Zelot un Judas, dr Bue vum Jakobus.

¹⁴De alli ware imma binanda einmetig im Gebet samt d Wieba un Maria, dr Muetter Jesus, un sinene Breda.

¹⁵Un in däne Däg kunnt Petrus schtoht uf unda d Breda - s ware aba an Lit binannda vu etwa hundatzwanzig - un sait:

¹⁶Ihr Männa un Breda, s moeß des Wort dr Schrift erfillt wäre, des dr heilige Geischt durch des Mul (de Gosch) David vorusgsait het iba Judas, der däne d Wäg zeigt, de Jesus gfangenähme;

¹⁷denn na (er) het zue uns (us) ghärt un het des Amt mit uns (us) gregt.

¹⁸Der het ä Acka kauft mit däm Lohn fir sini Ungrechtigkeit. Aba na (er) isch runda gfloge (gschtirzt) un midde entzwei broche, so daß alli sini Kuttle (Igweidi) ruskumme sin.

¹⁹Un s isch alle bekannt wore, de in Jerusalem huse, so daß der Acka in ihra Schproch gnennt wird: Hakeldamach, des heißt Bluetacka.

²⁰Denn`s schtoht gschriebe im Psalmbuech (Psalm 69,26; 109,8): «Si Hus soll vuwüschtet wäre, un nemads wohne drin», un: "Si Amt gregt ä andere."

²¹So mueß etze eina vu däne Männa, de bi uns (us) gsi sin di ganzi Ziit iba, als dr Herr Jesus unda uns (us) i- un üsgange isch

²²- vu d Daufi vum Johannes a bis zum Dag, an däm ma (er) vu uns (us) gnumme wore isch -, mit uns (us) Ziige vu sinere Uferschtehig wäre.

²³Un sie schtelle zwei uf: Josef, gnennt Barsabbas, mit däm Bainame Justus, un Matthias,

²⁴un bäte un sage: Herr, der dü alli Herz kennsch, zeig a, was fir eine dü üsgwählt hesch vu däne beide,

²⁵dmit er d Denscht un des Aposchtelamt gregt, des Judas vulo het, um an d Platz z go, wohi er ghärt .

²⁶Un sie werfe des Los iba sie, un des Los flegt uf Matthias; un er wird zue d elf Aposchtel zuegrechnet.