Read Alemannische Bibel NT Römer 16 Bible Online

Römer 16 - Alemannische Bibel NT bible

Römer 16

¹Ich bfehl äich unseri Schweschta Phöbe a, de im Denscht dr Gmeinde vu Kenchreä isch,

²daß ihr sie afnähme in däm Herrn, we sich's ziemt fir Heiligi, un nare (ihr) bäischtehn in jeda Sach, in der sie äich brucht; denn au sie het viele bäigschtande, au mir selbscht.

³Greße Priska un d Aquila, mi Mitarbeita in Chrischtus Jesus,

⁴de fir mi Läbä ihr Hals highebt hän, däne nit ällei i (ich) dank, sundern alli Gmeinde unda d Heide.

⁵Greße au d Gmeinde in ihrem Hus. Greße Epänetus, mi Liebä, der üs dr Provinz Asien dr Erschtling fir Chrischtus isch.

⁶Greße Maria, de viel Meh un Arbet um äich ka het.

⁷Greße Andronikus un Junias, mi Schtammvuwandte un Mitgfangene, de berehmt sin unda d Aposchtel un scho vor ma (mir) in Chrischtus gsi sin.

⁸Greße Ampliatus, mi Lebä in däm Herrn.

⁹Greße Urbanus, unsa Mitarbeita in Chrischtus, un Stachys, mi Lebä.

¹⁰Greße Apelles, d Bwährte in Chrischtus. Greße de üs däm Hus vum Aristobul.

¹¹Greße Herodion, mi Schtammvuwandte. Greße de üs däm Hus vum Narzissus, de in däm Herrn sin.

¹²Greße d Tryphäna un d Tryphosa, de in däm Herrn schaffe. Greße d Persis, mi Lebä (Lebi), de sich viel gemeht het im Denscht vum Herrn.

¹³Greße Rufus, d Üserwählte in däm Herrn, un sini Muetter, de au ma (mir) ä Muetter wore isch.

¹⁴Greße Asynkritus, Phlegon, Hermes, Patrobas, Hermas un de Breda bi nene.

¹⁵Greße Philologus un Julia, Nereus un sini Schweschta un Olympas un alli Heilige bi nene.

¹⁶Greße äich undaänanda mit däm heilige Kuß. S` greße äich alli Gmeinde Chrischti.

¹⁷Ich vumahn äich aba, lebi Breda, daß ihr äich in acht nähme vor däne, de Zwitracht un Ärganis arichte entgegä dr Lehr, de ihr glernt hän, un äich vu nene abwende.

¹⁸Denn solchi diene nit unsam Herrn Chrischtus, sundern ihrem Ranze; un durch seßi Wort un scheni Sprich vufihre sie de Herze vu d Arglose.

¹⁹Denn äira Folgsam si (Brave si) isch bi allene bekannt wore. Wägä däm fräie i (ich) mi iba äich; i (ich) will aba, daß ihr wiese sin zum Guete, aba wäg (gschiede) vum Bese.

²⁰Dr Gott vum Friede aba wird d Sadan unda äiri Feß träte in Kiirzi. D Gnade unsares Herrn Jesus Chrischtus isch mit äich!

²¹S greße äich Timotheus, mi Mitarbeita, un Luzius, Jason un Sosipater, mi Schtammvuwandte.

²²Ich, Tertius, der i (ich) d Bref gschriebe ha, greß äich in däm Herrn.

²⁴S` greße äich Gajus, mi un dr ganze Gmeinde si Gaschtgeba. S` greße äich Erastus, dr Stadtkämmera, un Quartus, dr Brueda.

²⁵Dem aba, der äich schtärke ka gmäß minem Evangelium un dr Predigt vu Jesus Chrischtus, durch de des Gheimnis zeigt (offenbart) isch, des sit ewige Ziit vuschwiege war,

²⁶etze aba zeigt (offenbart) un kundgmacht isch durch de Schrifte vu d Prophete nohch rem Bfehl vum ewige Gottes, d Folgsame (Brave) vum Glaube ufzrichte unda alle Heide:

²⁷däm Gott, der ällei wies isch, isch Ehri durch Jesus Chrischtus in Ewigkeit! Amen.