Read Alemannische Bibel NT 1 Korinther 6 Bible Online

1 Korinther 6 - Alemannische Bibel NT bible

1 Korinther 6

¹We ka jemads vu äich wage, wenn na (er) ä Händel het mit nem andere, si Recht zue sueche vor d Ungrechte un nit vor d Heilige?

²Wißt ihr nit, daß di Heilige de Welt richte wäre? Wenn etze de Welt vu äich grichtet wäre soll, sin ihr dann (dnoh) nit guet gnoe, kleini Sache z richte?

³Wißt ihr nit, daß ma (mir) iba Engel richte wäre? Weviel me iba Sache vum normale Läbä.

⁴Ihr aba, wenn ihr iba de Sache rechte, hole solchi, de in dr Gmeinde nigs gelte, un mache sie zue Richta.

⁵Äi (ich) als Schand mueß i (ich) des sage. Isch denn gar kei Weise unda äich, au nit eina, der zwische Brueda un Brueda richte kennt?

⁶Vielmeh rechtet ä Brueda mit däm andere, un des vor Ungläubige!

⁷S` isch scho schlimm gnoe, daß ihr mitänanda rechte. Wurum len ihr äich nit leba Unrecht doe? Wurum len ihr äich nit leba ibavordeile?

⁸Vielmeh den ihr Unrecht un ibavordeile äich, un des unda Breda!

⁹Odr wißt ihr nit, daß di Ungrechte des Rich Gottes nit erbe wäre? Len äich nit irrmache! Weda Unzichtigi noh Götzediena, Ehebrecha, Luschtknabe, Knabeschänder,

¹⁰Deb, Geizigi, Trunkebolde, Läschtera odr Raiba (Vubrecha) wäre des Rich Gottes erbe.

¹¹Un solchi sin ä baar vu äich gsi. Aba ihr sin gwäsche, ihr sin gheiligt, ihr sin Grecht wore durch d Name vum Herrn Jesus Chrischtus un durch d Geischt unsares Gottes.

¹²Alles isch ma (mir) recht, aba nit alles dent zum Guete. Alles isch ma (mir) recht, aba s soll mi nigs gfangeneh.

¹³S` Ässä isch fir d Ranze un dr Ranze isch fir s` Ässä do; aba Gott wird des eine we des andere znicht mache. Dr Leib (Ranze) isch aba nit fir d Hurarai do, sundern fir d Herrn, un dr Herr fir d Leib (Ranze).

¹⁴Gott aba het d Herrn uferweckt un wird au uns (us) uferwecke durch sini Kraft.

¹⁵Wißt ihr nit, daß äiri Leiba (Ranze) Glieda Chrischti sin? Sollte i (ich) etze de Glieda Chrischti nähmä un Hureglieda drüs mache? So isch`s nit!

¹⁶Odr wißt ihr nit: wer sich an ä Hure hängt, der isch ei Leib (Ranze) mit ihr? Denn d Schrift sait: "De zwei wäre ei Fleisch si" (1. Moses 2,24).

¹⁷Wer aba däm Herrn ahängt, der isch ei Geischt mit nem.

¹⁸Fliehe d Hurarai! Alli Sinde, de d Mensche den, bliebe üßahalb vum Leib (Ranze); wer aba Hurarai tribt, der sindigt am eigene Leib (Ranze).

¹⁹Odr wißt ihr nit, daß äira Leib (Ranze) ä Tempel vum heilige Geischt isch, der in äich isch un den ihr vu Gott hän, un daß ihr nit äich selba ghäre ?

²⁰Denn ihr sin diir kauft; drum preise Gott mit äirem Leib (Ranze).