Read Alemannische Bibel NT Kolosser 2 Bible Online

Kolosser 2 - Alemannische Bibel NT bible

Kolosser 2

¹Ich will äich nämlich wisse losse, was fir ä Kampf i (ich) um äich fihr un um de in Laodizea un um alli, de mi nit vu Aug zue Aug gsähne hän,

²dmit ihri Herz gschtärkt un zsämmegfegt wird in dr Liebe (Lebi) un zue allem Richtum a Gwißheit un Vuschtand, z erkenne des Gheimnis Gottes, des Chrischtus isch,

³in welem vuborge liege alli Schätz dr Wisheit un dem Wisse.

⁴Ich sag des, dmit äich nemads bschießt mit vulogenem Gschwätz.

⁵Denn obwohl i (ich) nit do bi, so bi i (ich) doch im Geischt bi äich un fräie mi, wenn i (ich) äiri Ordnig un äire feschte Glaube a Chrischtus sieh.

⁶We ihr etze d Herrn Chrischtus Jesus agnumme hän, so läbä au in nem

⁷un sin in nem vwurzlet un grindet un fescht im Glaube, we ihr glehrt worde sin, un sin viel dankbar.

⁸Luege zue, daß äich nemads ifangt durch Philosophie un leere Bschieß (Trug), grindet uf de Lehr vu Mensche un uf de Mächte dr Welt un nit uf Chrischtus.

⁹Denn in nem wohnt de ganzi Filli dr Gottheit leibhaftig,

¹⁰un a der Filli hän ihr ä deil in nem, der d Kopf (Schädel) alla Mächte un Gwalte isch.

¹¹In nem sin ihr au bschnitte worde mit na Bschniedig, de nit mit Händ (Pfode) gmacht isch, als ihr nämlich äira fleischliches Wäse abglegt hän in dr Bschniedig durch Chrischtus.

¹²Mit nem sin ihr beerdigt worde durch de Daufi; mit nem sin ihr au ufgschtande durch d Glaube üs dr Kraft Gottes, der nen uferweckt het vu d Dote.

¹³Un na (er) het äich mit nem lebändig gmacht, de ihr dot ware in d Sinde un in dr Unbschnitteheit vu airem Fleisch, un het uns (us) vuge alli Sinde.

¹⁴Er het d Schuldbrief zahlt, der mit sinene Fordarige gege uns (us) war, un het nen wägdoe un a s Kriiz ghängt (gheftet).

¹⁵Er het d Mächte un Gwalte ihri Macht üszogä un sie uf d Schtroß zue Schau gschtellt un het ä Triumph üs ne gmacht in Chrischtus.

¹⁶So len äich etze vu nemads ä schlechtes Gwisse mache wägäm Ässä un Trinke odr wägäm vumä bschtimmte Fierdig, Naimond odr Sabbat.

¹⁷Des alles isch nur ä Schatte vum Zuekinftige; echt aba isch´ s in Chrischtus.

¹⁸Len äich d Siegapräis vu nemads nähmä, der sich gfallt in falscher Demuet un Vuehrig dr Engel un sich däm rehmt, was sa (er) gsähne het, un isch ohni Grund ufgblose in sinem fleischliche Sinn (Gmeht)

¹⁹un hebet (haltet) sich nit a d Kopf (Schädel), vum dert her dr ganze Leib (Ranze) durch Glenk un Bända gschtitzt un zsämmänghebt wird un wachst durch Gottes Wirke.

²⁰Wenn ihr etze mit Chrischtus d Mächte dr Welt gschtorbe sin, was len ihr äich dann (dnoh) Satzige uflege, als läbä ihr noh in dr Welt:

²¹Dü sollsch des nit alänge, dü sollsch des nit probiere (ässä), dü sollsch des nit arihre?

²²Des alles soll doch vubrucht un gässä (vuzehrt) wäre. S sin Gebote un Lehre vu Mensche,

²³de zwar ä Schien vu Wisheit hän durch selbschtgwählti Frommi un Demuet un dodurch, daß sie d Leib (Ranze) nit schone; sie sin aba nigs wert un stelle nur s Fleisch zfriede.