Read Alemannische Bibel NT 1 Thessalonicher 5 Bible Online

1 Thessalonicher 5 - Alemannische Bibel NT bible

1 Thessalonicher 5

¹Vu d Ziit un Schtund aba, lebi Breda, isch`s nit nedig, äich zue schriebe;

²denn ihr selbscht wißt genau, daß dr Dag vum Herrn kumme wird we ä Deb in dr Nacht.

³Wenn sie sage wäre: S isch Friede, s het keini Gfahr -, dann (dnoh) wird sie des End schnell ibafalle we de Wehe ä schwangares Wieb, un sie wäre nit fliehe kenne.

⁴Ihr aba, lebi Breda, sin nit im Dunkle, daß dr Dag we ä Deb iba äich kummt.

⁵Denn ihr alli sin Kinda vum Lecht un Kinda vum Dag. Mir sin nit vu dr Nacht noh vum Dunkle.

⁶So len uns (us) etze nit schlofe we di andere, sundern len uns (us) wache un nichtern si.

⁷Denn de schlofe, de schlofe vu d Nacht, un de bsofe sin, de sin vu d Nacht bsofe.

⁸Mir aba, de ma (mir) Kinda vum Dag sin, wen nichtern si, azogä mit däm Panza vum Glaube un dr Lebi (Liebe) un mit däm Helm dr Hoffnig uf des Heil.

⁹Denn Gott het uns (us) nit bschtimmt zum Zorn (Wuet), sundern dzue, des Heil z gregä durch unsa Herrn Jesus Chrischtus,

¹⁰der fir uns (us) gschtorbe isch, dmit, ob ma (mir) wache odr schlofe, ma (mir) au mit nem läbä.

¹¹Drum vumahne äich undaänanda, un eina bäu d andere uf, we ihr`s au den.

¹²Mir bitte äich aba, lebi Breda, kenne de a, de fir äich schaffe un äich vorschtehn in däm Herrn un äich vumahne;

¹³hän sie um so me leb um ihri Arbet wägä. Hebet Friede undaänanda.

¹⁴Mir vumahne äich aba, lebi Breda: Wiese Unordentlichi zrecht, treschte Kleimetigi, trage Schwachi, sin geduldig gege jede.

¹⁵Luege zue, daß keina däm andere Beses mit Besem vugeltet, sundern jage alliziit däm Guete nohch undaänanda un gege jede.

¹⁶Sin alliziit frehlich,

¹⁷den bäte ohni Undaloß,

¹⁸sin dankbar in alle Dinge; denn des isch dr Wille Gottes in Chrischtus Jesus a äich.

¹⁹D Geischt dämpfe nit.

²⁰Prophetischi wort vuachtet nit.

²¹Prefe aba alles, un des Guete bhalte na.

²²Miede des Bese in jeda Gschtalt.

²³Er aba, dr Gott vum Friede, heilige äich durch un durch un s soll äira Geischt samt Seele un Leib (Ranze) unbschadet bliebä, untadelig fir de Akunft (Itreffä) unsares Herrn Jesus Chrischtus.

²⁴Treu isch scha (er), der äich brueft; er wird's au doe.

²⁵Lebi (Liebe) Breda, den au bäte fir uns (us).

²⁶Greßt alli Breda mit däm heilige Kuß.

²⁷Ich bschwör äich bi däm Herrn, daß ihr den Bref läse len vor alle Breda.

²⁸D Gnade unsares Herrn Jesus Chrischtus isch mit äich!