Read Alemannische Bibel NT 1 Timotheus 3 Bible Online

1 Timotheus 3 - Alemannische Bibel NT bible

1 Timotheus 3

¹Des isch gwiß wohr: Wenn jemads ä Bischofsamt will, der will ä hochi Ufgab.

²Ä Bischof aba soll untadelig si, Ma vu einem Wieb, nichtern, maßvoll, wert, gaschtfräi, gschickt im Lehre,

³kei Säufa, nit gwalttätig, sundern gütig, nit schtrietsichtig, nit geldgierig,

⁴eina, der sinem eigene Hus guet vorschtoht un folgsami Kinda het in alla Ehri.

⁵Denn wenn jemads sinem eigene Hus nit vorzschtoh weiß, we soll la (er) fir de Gmeinde Gottes sorge?

⁶Er soll kei Naidaufte si, dmit da (er) sich nit ufblose doet un däm Urdeil vum Deufel vuflegt.

⁷Er mueß aba au ä guete Ruef ha bi däne, de druße sin, dmit da (er) nit gscholte wird un sich nit vufangt in dr Schlinge vum Deufel.

⁸eso solle de Diakone ehrbar si, nit doppelzingig, keini Säufa, nit schändliche Gwinn sueche;

⁹sie solle des Gheimnis vum Glaube mit reine (sufare) Gwisse bwahre.

¹⁰Un ma soll sie zvor prefä, un wenn sie untadelig sin, soll sie d Denscht vusäh.

¹¹eso solle ihri Wieba ehrbar si, nit legä, nichtern, treu in alle Dinge.

¹²D Diakon soll au jeda dr Ma vu einem einzige Wieb si un ihre Kinda un ihrem eigene Hus guet vorschtoh.

¹³Weli aba ihr Denscht guet vusähn, de schaffä sich selba ä guetes Asäh un großi Zuevasicht im Glaube a Chrischtus Jesus.

¹⁴Des schrieb i (ich) dir un hoff, bald zue dir z kumme;

¹⁵wenn i (ich) aba erscht schpeta kumm, sollsch dü wisse, we ma sich vuhalte soll im Hus Gottes, des isch d Gmeinde vum lebändige Gott, ä Pfiela un ä Grundfeschti dr Wohret.

¹⁶Un groß isch`s, we jeda bekannt mache mueß, des Gheimnis vum Glaube: Er isch zeigt (offenbart) im Fleisch, grecht bfunde im Geischt, erschiene d Engel, predigt d Heide, glaubt in dr Welt, ufgnumme in d Herrlichkeit.