Read Alemannische Bibel NT 1 Timotheus 4 Bible Online

1 Timotheus 4 - Alemannische Bibel NT bible

1 Timotheus 4

¹Dr Geischt aba sait diitlich, daß in d letschte Ziit ä baar vum Glaube abfege wäre un vufihrarische Geischta un deuflischi Lehre ahänge,

²vuleitet durch Haichelai vu Legna, de ä Brandmol in ihrem Gwisse hän.

³Sie bfehle, nit z hirote un nit z Ässä, was Gott gschaffe het, mit Danksagig aba gnumme vu d Gläubige un däne, de de Wohret erkennt hän.

⁴Denn alles, was Gott gschaffe het, isch guet, un nigs isch schlecht, was mit Danksagig gnu wird;

⁵denn s wird gheiligt durch des Wort Gottes un Gebet.

⁶Wenn dü de Breda des lehrsch, so wirsch dü ä guete Diena Chrischti Jesu si, ufzoge in däm Wort vum Glaube un dr guete Lehr, bi der dü imma bliebe bisch.

⁷De ungeischtliche Altwiebafable aba wies zruck; ebt di aba selba im Fromm si!

⁸Denn de Ebige fir d Ranze isch ä weng guet; aba des Fromme Ebe isch zue allem guet un het de Vuheißig vum zuekinftige Läbä.

⁹Des isch gwiß wohr un ä Wort, vum Glaube wert.

¹⁰Denn dfir schaffe un kämpfe ma (mir), wel ma (mir) unsri Hoffnig uf d lebändige Gott gsetzt hän, wela dr Heiland alla Mensche isch, bsunders dr Gläubige.

¹¹Des bpfiehlt un lehr.

¹²Nemad vuacht di wel da jung bisch; dü aba bisch d Gläubige ä Vorbild im Wort, im Umgang, in dr Lebi (Liebe), im Glaube, im Sufa bliebe.

¹³Fahr furt mit Vorläsä, mit Ermahne, mit Lehre, bis i (ich) kumm.

¹⁴Loß nit üßa acht de Gabe in dir, de dir ge isch durch Wissagig mit Handuflegig dr Älteschte.

¹⁵Des loß di Sorg si, dmit gang um, dmit di Forwährtskumme alle gwahr wirde.

¹⁶Gib acht uf di selba un uf de Lehr; vuharr in däne Schtickli! Denn wenn dü des doesch, wirsch dü di selba rette un de, de di härä.