Read Alemannische Bibel NT Titus 1 Bible Online

Titus 1 - Alemannische Bibel NT bible

Titus 1

¹Paulus, ä Knecht Gottes un ä Aposchtel Jesus Chrischti, noh rem Glaube dr Üserwählte Gottes un noh rem Wisse vu d Wohret, de däm Glaube gmäß isch,

²in d Hoffnig uf des ewige Läbä, des Gott, der nit legt, vuheiße het vor d Ziit vu d Welt;

³aba zue sinere Ziit het da (er) si Wort zeigt (offenbart) durch d Predigt, de ma (mir) avuträut isch noh rem Bfehl Gottes, vu unsarem Heilands;

⁴fir d Titus, minem rechte Bue noh unsa beida Glaube: Gnade un Friede vu Gott, däm Vada (Babbe), un Chrischtus Jesus, unsam Heiland!

⁵Deswege han i di in Kreta glo, daß dü alles usrichtesch, was noh fehlt, un iba all in d Schtädt Älteste isetzesch, we i (ich) dir bfohle ha:

⁶wenn eina untadelig isch, Ma vu einem einzige Wieb isch, der gläubige Kinda het, der nit im Ruef schtoh, schludrig odr unghorsam z si.

⁷Denn ä Bischof soll untadelig si als ä Hushalta Gottes, nit eigensinnig, nit jähzornig, kei Säufa, nit strietsüchtig, nit schändliche Gwinn sueche;

⁸sundern gaschtfräi, gütig, bsonne, Grecht, fromm, enthaltsam;

⁹er haltet sich an des Wort vu d Lehr, des gwiß isch, dmit da (er) de Kraft het, zue vumahne mit d heilsamen Lehr un zrechtzwiese, de ufmucke.

¹⁰Denn s git vieli Frechi, unnütze schwätzer un Vufihra, bsunders de üs d Jude,

¹¹däne ma des Mul stopfe mueß, wel sie ganzi Hiisa vuwirre un lehre, was nit si darf, um schändliche Gwinn wille.

¹²S het eina vu nene gsait, ihr eigena Prophet: Di Kreter sin imma Vulogeni, besi Tiere un fuli Bäuch (Ranze).

¹³Des Ziignis isch wohr. Üs däm Grund wies sie scharf zrecht, dmit sie gsund wäre im Glaube

¹⁴un nit achte uf de jüdischi Fable un de Gebote vu Mensche, de sich vu d Wohret abwende.

¹⁵Den d Sufare (Reine) isch alles sufa; d Dreckige (Unreine) aba un Ungläubige isch nigs sufa, sundern dreckig isch beides, ihr Sinn (Gmeht) un ihr Gwisse.

¹⁶Sie sage, sie kenne Gott, aba mit d Werke vuliigne sie nen; ä Greuel sin sie un folge nit un sin zue allem guete Gschäfft untüchtig.