Read Alemannische Bibel NT Hebräer 2 Bible Online

Hebräer 2 - Alemannische Bibel NT bible

Hebräer 2

¹Drum soll ma (mir) desto me achte uf des Wort, des ma (mir) härä, dmit ma (mir) nit am Ziel vorbäitriebe.

²Denn wenn des Wort fescht war, des durch Engel gsait wore isch, un jedi Ibatretig un jedes Bes si rechti schtrof gregt het,

³we wen ma (mir) dvukumme, wenn ma (mir) ä so großes Heil nit achte, des si Afang het mit dr Predigt vum Herrn un bi uns (us) undaschtizt wird durch de, de s ghärt hän?

⁴Un Gott het dzue Ziignis ge durch Zeiche, Wunda un manchali mächtige Tate un durch de Üsdeilig vum heilige Geischt nohch sinem Wille.

⁵Denn nit d Engel het da (er) de zuekinftigi Welt folgsam gmacht, vu der ma (mir) schwätze.

⁶S beziigt aba eina bi eina Schtell un sait (Psalm 8,5-7): "Was isch dr Mensch, daß dü a nen denksch, un d Mensche Bue, daß dü uf nen acht hesch?

⁷Dü hesch nen ä kleini Ziit kleina si losse als de Engel; mit Pries un Ehri hesch dü nen gkrönt;

⁸alles hesch dü unda sini Feß doe." Wenn na (er) nem alles unda d Feß doe het, so het da (er) nigs üsgnumme, was nem nit folgsam wär. Etze aba sähn ma (mir) noh nit, daß nem alles folgsam isch.

⁹Däm aba, der "ä kleini Ziit kleina gsi isch als de Engel", Jesus, sähn ma (mir) durch des Liede vum Dod "gkrönt mit Pries un Ehri"; denn durch Gottes Gnade soll la (er) fir alli d Dod schmeckä.

¹⁰Denn s ziemt sich fir den, wägä däm alli Sache sin un durch den alli Sache sin, daß sa (er), der vieli Buebä zue d Herrlichkeit gfihrt het, d Afänga vu ihrem Heil, durch Liede vullbrocht.

¹¹Denn wel sie alli vu nem kumme, beidi, der heiligt un de gheiligt wäre, drum schämt da (er) sich au nit, sie Breda z nenne,

¹²un sait (Psalm 22,23): "Ich will di Name vukindige mine Breda un midde in dr Gmeinde dir lobsinge."

¹³Un nomol (Jesaja 8,17): "Ich will mi Vuträue uf nen setze"; un nomol (Jesaja 8,18): "Lueg, do bi i (ich) un de Kinda, de ma (mir) Gott ge het."

¹⁴Wel etze de Kinda vu Fleisch un Bloet sin, het au er's gliech agnumme, dmit da (er) durch si Dod de Macht nähmä däm, der Gwalt iba d Dod het, nämlich däm Deufel,

¹⁵un de erleste, de durch Angscht vor rem Dod im ganze Läbä Knecht si meßte.

¹⁶Denn na (er) nimmt sich nit dr Engel a, sundern dr Kinda Abrahams nimmt da (er) sich a.

¹⁷Drum moeß sa (er) in allem sinene Breda gli wäre, dmit da (er) barmherzig wird un ä treue Hoherpriester vor Gott, z sühne de Sinde vum Volk.

¹⁸Denn wobi na (er) selba glitte het un vusuecht worde isch, ka na (er) helfe däne, de vusuecht wäre.