Read Alemannische Bibel NT 1 Petrus 4 Bible Online

1 Petrus 4 - Alemannische Bibel NT bible

1 Petrus 4

¹Wel etze Chrischtus im Fleisch glitte het, so mache äich au parrat mit demselbe Sinn (Gmeht); denn wer im Fleisch glitte het, dr het ufghert mit d Sinde,

²daß sa (er) etze de noh ibrigi Ziit im Fleisch nit d Luscht dr Mensche, sundern däm Wille Gottes läbt.

³Denn s isch genoe, daß ihr de vugangeni Ziit zuebrocht hän nohch heidnischem Wille, als ihr ä Läbä gfihrt hän in Uswiichs, Luscht, Bsofe, Frässarei, Sufarei un schrecklichen Götzedenst.

⁴Des isch ne fremdt, daß ihr äich nimi mit tene schtirzt in desselbe weschte, wilde Triebe, un sie läschtere;

⁵aba sie wäre Antwort ge mese däm, dr parat isch, z richte de Lebändige un de Dote.

⁶Denn dzue isch au d Dote s Evangelium vukindigt, daß sie zwar nohch Menscheart grichtet wäre im Fleisch, aba nohch Gottes Art des Läbä hän im Geischt.

⁷S isch aba nooch kumme des End alla Sacha. So sin etze besunne un nichtern zum Gebet.

⁸Vor alle Dinge hän undaänanda bschtändige Lebi (Liebe); denn "d Lebi (Liebe) deckt au vieli Sinde zue" (Sprich 10,12).

⁹Hän ä offenes Hus undaänanda ohni Murre (Motze).

¹⁰Un dient änanda, jeda mit dr Gabe, de na (er) gregt het, als gueti Hushalta vu mancha Gnade Gottes:

¹¹wenn jemads predigt, daß er's sait als Gottes Wort; wenn jemads dient, daß er's doets üs dr Kraft, de Gott gwährt, dmit in ällei Dinge Gott globt wird durch Jesus Chrischtus. Ihm isch d Ehri un Gwalt vu Ewigkeit zue Ewigkeit! Amen.

¹²Ihr Liebi, len äich durch de Hitzi nit bfremde, de äich widafahrt zue äira Vusuechig, als gschieht äich ebis Seltsames,

¹³sundern freut äich, daß ihr mit Chrischtus liedet, dmit ihr au zue d Ziit dr Offenbarig vu sinere Herrlichkeit Fräid (Freud) un Wonne hän.

¹⁴Selig sin ihr, wenn ihr gscholte wäre wägem Name Chrischti, denn dr Geischt, der ä Geischt dr Herrlichkeit un Gottes isch, rueht uf äich.

¹⁵Nemad aba unda äich lied als ä Mörda odr Deb odr Ibeltäta odr als eina, dr in ä fremdes Amt grieft.

¹⁶Liedet er aba als ä Christ, so schämt er sich nit, sundern ehre Gott mit däm Name.

¹⁷Denn de Ziit isch do, daß des Gricht afangt am Hus Gottes. Wenn aba zerscht a uns (us), was wird s fir ä End nähmä mit däne, de däm Evangelium Gottes nit glaube?

¹⁸Un wenn d Grechti kum grettet wird, wo wird dann (dnoh) d Gottlose un Sinda bliebe?

¹⁹Drum solle au de, de nohch Gottes Wille liede, nem ihri Seele abfehle als däm treue Schepfa un Guetes doe.