Read Alemannische Bibel NT Offenbarung 20 Bible Online

Offenbarung 20 - Alemannische Bibel NT bible

Offenbarung 20

¹Un i (ich) sieh ä Engel vum Himmel rabfahre, der het d Schlissel zum Abgrund un ä großi Kette in sinere Hand.

²Un na (er) packt d Drache, di alte Schlange, des isch dr Deufel un dr Sadan, un fesslet nen fir dusig Johr,

³un wirft nen in d Abgrund un vuschleßt nen un het ä Siegel obe druf gmacht, dmit da (er) d Velka nimi vufihre soll, bis de dusig Johr ume wäre. Dnohch mueß sa (er) losglosse wäre ä kleini Ziit.

⁴Un i (ich) sieh Throne, un sie hocke sich druf, un dene wird des Gricht ibage. Un i (ich) sieh de Seele dera, de köpft ware um des Ziigniss vu Jesus un um s Wort Gottes wille, un de nit abätet hän des Tier un si Bild un de si Zeiche nit agnumme hän an ihri Schtirn un uf ihra Hand; de wäre lebändig un regiere mit Chrischtus dusig Johr.

⁵Di andere Dote aba wäre nit wieda lebändig, bis de dusig Johr um ware. Des isch di erschti Uferschtehig.

⁶Selig isch der un heilig, der teilhet an dr erschte Uferschtehig. Iba de het dr zweite Dod keini Macht; sundern sie wäre Prieschter Gottes un Chrischti si un mit nem regiere dusig Johr.

⁷Un wenn de dusig Johr um sin, wird dr Sadan losglosse wäre üs sinem Gfängnis (Loch)

⁸un wird üszehe, zue vufihre de Velka an d vier Ende vu d Erde, Gog un Magog, um sie zum Kampf zue vusammle; dere Zahl isch we d Sand am Meer.

⁹Un sie schtiege ruff uf d Ebeni vu d Erde un umzingle des Heerlaga vu d Heilige un di gliebte Schtadt. Un s flegt Fiir vum Himmel un gässä (vuzehrt) sie.

¹⁰Un dr Deufel, der sie vufihrt het, wird gworfe in d Pfuhl vu Fiir un Schwefel, wo au des Tier un dr falsche Prophet ware; un sie wäre quält wäre Dag un Nacht, vu Ewigkeit zue Ewigkeit.

¹¹Un i (ich) sieh ä große, wieße Thron un der, der druf hockt; vor siner Gsicht (Visasch) haue ab d Erde un d Himmel, un s wird kei Platz fir sie gfunde.

¹²Un i (ich) sieh di Dote, groß un klei, schtoh vor rem Thron, un Becha wäre ufdoe. Un ä andres Boech wird ufdoe, welches isch des Boech vum Läbä. Un di Dote wäre grichtet nohch däm, was in d Becha gschriebe schtoht, nohch ihre Werke.

¹³Un des Meer git di Dote üsä, de drin ware, un dr Dod un si Rich gän di Dote üsä, de drin ware; un sie wäre grichtet, jeda nohch sinene Werke.

¹⁴Un dr Dod un si Rich wäre gworfe in d Fiirpfuhl. Des isch dr zweite Dod: dr Fiirpfuhl.

¹⁵Un wenn jemads nit gfunde wird gschriebe in däm Boech vum Läbä, der wird gworfe in d Fiirpfuhl.