Read Alemannische Bibel NT Offenbarung 6 Bible Online

Offenbarung 6 - Alemannische Bibel NT bible

Offenbarung 6

¹Un i (ich) ha gsäh, daß des Lamm des erschte vu d siebä Siegel ufgmacht het, un i (ich) ha ghärt eina vu d vier Gschtalte sage we mit eina Dunndaschtimm: Kumm!

²Un i (ich) sieh, un lueg, ä wieße Gaul. Un der druf hockt, het ä Bogen, un däm wird ä Krone ge, un na (er) zeht üs sieghaft un um z siege.

³Un als ses des zweite Siegel ufgmacht het, ha i (ich) ghärt de zweiti Gschtalt sage: Kumm!

⁴Un s kummt üsä ä zweite Gaul, der war fiirrot. Un däm, der druf hockt, wird Macht ge, d Friede vu dr Erde z neh, daß sie sich undaänanda umbringe, un däm wird ä großes Schwert ge.

⁵Un als ses des dritte Siegel ufgmacht het, ha i (ich) ghärt de dritti Gschtalt sage: Kumm! Un i (ich) sieh, un lueg, ä schwarze Gaul. Un der druf hockt, het ä Woog (Waage) in sinere Hand.

⁶Un i (ich) ha ghärt ä Schtimm midde unda d vier Gschtalte sage: Ä Maß Weize fir ä Silbagrosche un dräi Maß Gerschte fir ä Silbagrosche; aba däm El un Wi doe kei Schadä a!

⁷Un als ses des vierte Siegel ufgmacht het, ha i (ich) ghärt de Schtimm dr vierte Gschtalt sage: Kumm!

⁸Un i (ich) sieh, un lueg, ä glaprige (fahle) Gaul. Un der druf hockt, däm si Name war: Dr Dod, un d Hell goht däm nohch. Un dene wird Macht ge iba d vierte Deil vu d Erde, umzbringe mit Schwert un Hunga un Pescht un durch wildi Tiere uf d Erde.

⁹Un als ses des fünfte Siegel ufgmacht het, sieh i (ich) unde am Altar d Seele dera, de umbrocht worde ware um`s Wortes Gottes un wägä ihrem Ziigniss.

¹⁰Un sie brellä mit luta Schtimm: Herr, dü Heiliger un Echta (Wora), we lang richtesch dü nit un rächsch nit unsa Bloet an däne, de uf d Erde huse?

¹¹Un dene wird ge jedem ä wießes Gwand (Häß), un dene wird gsait, daß sie ruehe mehn noh ä kleini Ziit, bis vollzählig däzuekumme ihri Mitknechte un Breda, de au noh umbrocht wäre solle we sie.

¹²Un i (ich) sieh: als ses des sechste Siegel ufgmacht het, do isch ä großes Erdbebe bassiert, un d Sunne wird finschta we ä schwarze Sack, un d ganz Mond wird we Bloet,

¹³un d Schterne vum Himmel flege uf d Erde, we wenn ä Fiegebaum sini Fiege abwirft, wenn na (er) vum schtarke Wind bwegt wird.

¹⁴Un d Himmel wiecht we ä Schriftrolle, de zämmegrollt wird, un alli Berg un Insle wäre wägbwegt vu ihrem Platz.

¹⁵Un de Kenig uf Erde un de Große un de Obaschte un de Riche un de Gwaltige un alli Sklave un alli Fraie vuschtecke sich in d Klufte un Felse dr Berg

¹⁶un sage zue d Berg un Felse: Flege iba uns (us) un vuschtecke uns (us) vor rem Visasch (Gsicht) vu däm, der uf däm Thron hockt, un vor rem Zorn (Wuet) vum Lamm!

¹⁷Denn s isch kumme dr große Dag vu ihrem Zorn (Wuet), un wer ka bschtoh?