Read Јаҥы Кереес 2 Фессалоникадагыларга 1 Bible Online

2 Фессалоникадагыларга 1 - Јаҥы Кереес bible

2 Фессалоникадагыларга 1

¹Павелдеҥ, Силуаннаҥ ла Тимофейдеҥ — Фессалоникада Ада Кудайдыйы ла Иисус Христос Кайракандыйы болгон серкпеге.

²Слерге Ада Кудайыстаҥ ла Иисус Христос Кайраканнаҥ јакшылык ла амыр јетсин.

³Бис Кудайга слер учун јаантайын алкыш јетирер учурлу, карындаштар. Онызы чын, нениҥ учун дезе, бӱдӱп турганыгар там тыҥып, кажыгардыҥ ла бой-бойыгарга сӱӱжигер арбындап јат.

⁴Оныҥ учун Кудайдыҥ серкпелеринде бис бойыс слерле мактанып јадыбыс — ончо истежӱлерди ле кысталаҥдарды ӧдӱп, чыдамкай болгоныгарла, бӱдӱп турганыгарла.

⁵Мынызы Кудайдыҥ јаргызы чындык болгонын керелейт: слер Кудайдыҥ Каандыгына јарамыкту деп бодолорыгар. Ого болуп шыралап јадыгар.

⁶Кудай чын эдип, слерди кыстап турган улусты кыстаар,

⁷слерге, бисле кожо кыстадып тургандарга, токынал берер. Мынызы Иисус Кайракан Бойыныҥ кӱчиниҥ ангелдериле кожо от јалбыжында теҥеридеҥ ачылза болор.

⁸Ол Кудайды билип албагандардаҥ ла Иисус Христос Кайраканыстыҥ Сӱӱнчилӱ Јарына бакпастардаҥ ӧч алар.

⁹Олор мӧҥкӱ ӧлӱмле кезедилер: Кайраканныҥ Бойынаҥ ла Оныҥ кӱчиниҥ магынаҥ ырадылар.

¹⁰Бойыныҥ агарулары ортодо макталайын, ончо Кудайга бӱткендер ортодо кайкадайын деп келген кӱнде андый болор. Слер база ондо болорыгар, нениҥ учун дезе бистиҥ керебиске бӱттигер.

¹¹Бого болуп слер учун јаантайын мӱргип јадыс. Кудайыс Оныҥ кычырузына слерди јарамыкту этсин деп, слерди јакшыны эдетен кӱӱнле толтырсын деп, Бойыныҥ кӱчиле бӱдӱмјиниҥ ижин этсин деп, сурап јадыбыс.

¹²Ол тушта Иисус Христос Кайраканыстыҥ ады слердиҥ бойыгарда макталар, слер Кудайыстыҥ ла Иисус Христос Кайраканыстыҥ јакшылыгыла Оныҥ Бойында макталарыгар.