Read Јаҥы Кереес Титке 1 Bible Online

Титке 1 - Јаҥы Кереес bible

Титке 1

¹Талдап алган улус чылап бӱдӱп, Кудайга беринерине экелип турган чындыкты билип алган Кудайдыҥ кулы ла Иисус Христостыҥ Павел апостолынаҥ.

²Анайда јаҥыс ӱргӱлји јӱрӱмге иженип бӱдӱп јадылар. Ӱргӱлји јӱрӱмди чактар башталардаҥ озо тӧгӱндебес Кудай биске берер болгон.

³Је бойыныҥ ӧйинде Бойыныҥ сӧзин јарлыкташта ачкан; бу јарлыкташ Аргадаачыбыс Кудайдыҥ јакарганыла, меге бӱдӱмјилелген.

⁴Титке, текши бӱдери аайынча чындык уулыма. Сеге Ада Кудайдаҥ ла Аргадаачыбыс Иисус Христос Кайраканнаҥ јакшылык, быйан ла амыр јетсин.

⁵Јетире эдилбегенди этсин деп, ончо калалар сайын серкпениҥ јаандарын тургуссын деп, сени Критте артырганым ол. Сеге јакарганымла,

⁶олор јек јок болор учурлу, бир ӱйлӱ болор, Кудайга бӱдӱп турган балдарлу болор учурлу, кирезин билбес эмезе сӧс укпас деп бурулатпас учурлу.

⁷Епископ Кудайдаҥ тургузылган башкараачы чылап, јек јок болор учурлу. Ол јаҥыс бойын сӱӱбес, чугулчы болбос, аракыга тартылбас, кырмакчы болбос, кирелте бедиребес учурлу.

⁸Карын, кӱндӱзек болор, јакшыны сӱӱр, чын сананар, чынынча эдер, кудайзак болор, бойын тудунып билер учурлу.

⁹Ол анайда ок ӱредӱге келишкен чындык сӧстӧҥ тудунар учурлу. Ол тушта чын ӱредӱ берер, оноҥ удурлажып турган улусты илезине чыгарар аргалу болор.

¹⁰Сӧс укпас, кей, тӧгӱнчи улус кӧп, анчада ла томдолгон улус ортодо.

¹¹Андый улусты унчуктырбас керек, нениҥ учун дезе, олор бойына туза аларга, ӱретпес немеге ӱредип, бӱткӱл билелерди јайрадып јадылар.

¹²Олордыҥ ок акту бойлорыныҥ бир јарлыкчызы айткан: «Криттиҥ улузы јаантайын тӧгӱнденип јӱрет, олор — казыр аҥдар, јалку карындар».

¹³Бу кере чын. Олор чын бӱтсин деп, иудейлердиҥ сананып тапкан куучындарына ла чыннаҥ туураладып турган улустыҥ јакылталарына бойлорын берип салбазын деп, олорды кату илезине чыгар.

¹⁵Ару улуска ончозы ару; быјарзыган ла бӱтпей турган улуска дезе ару неме јок, је олордыҥ шӱӱлтези де, санаазы да быјарзып калган.

¹⁶Олор Кудайды билерис дешкилейт, эдип јӱргендериле Оноҥ јана тӱшкилейт. Олор јескинчилӱ, бакпас, кандый да јакшы керек эдер аргазы јок.