Read Јаҥы Кереес Петрдыҥ 1-кы самаразы 5 Bible Online

Петрдыҥ 1-кы самаразы 5 - Јаҥы Кереес bible

Петрдыҥ 1-кы самаразы 5

¹Анайдарда, мен, серкпениҥ јааны бойым, Христостыҥ шыразыныҥ керечизи ле ачылатан макта туружаачы кижи, слердиҥ јаандарыгарга баштанып турум:

²Кудайдыҥ слерге берилген ӱӱрин кабырыгар. Је мыны албан јокко, бойыгардыҥ кӱӱнигерле, Кудайга јараарыла эдигер, уйатту кирелтеге болуп эмес, кӱӱнзеп эдигер.

³Кудай бӱдӱмјилегенди бийлебей башкарыгар, је ӱӱрге тем кӧргӱзигер.

⁴Баш Кӱдӱчи ачылза, мактыҥ чалдыкпас кайралын аларыгар.

⁵Анайда ок кичӱлер де, јаандарга багыгар, бой-бойыгарга сӧсуккур болуп, јобош болыгар, нениҥ учун дезе Кудай бийиркектерге удурлажат, јобожыгандарга јакшылык берет.

⁶Оныҥ учун Кудайдыҥ кӱчи алдында јобожыгар, Ол слерди темдектелген ӧйдӧ бийикке кӧдӱрер.

⁷Не де керегинде санааркабагар, Ого иженигер, нениҥ учун дезе Ол слерди кичееп кӧрӱп јӱрӱ.

⁸Эрӱӱл, сергек болыгар! Слердиҥ ӧштӱгер, кӧрмӧс, кемди јуда салайын деп бедиреп, ыркыранган каракула чылап базып јӱрӱ.

⁹Бек бӱдӱп, ого удура турыгар. Бу телекейде андый ок шырага слердиҥ карындаштарыгар да алдырып турганын билеригер.

¹⁰Кандый ла јакшылыкты берип турган Кудай дезе бисти Иисус Христостогы Бойыныҥ мӧҥкӱлик магына кычырган. Слер кыска ӧйгӧ шыралаган кийнинде Ол Бойы слерди тӱзеткей, бек тургускай, кӱчтӱ, турумкай эткей.

¹¹Ого чактардыҥ чакка мак, јаҥ. Аминь.

¹²Мыны Силуанныҥ болужыла бичидим. Мен оны чындык карындаш деп бодоп јадым. Кычыру эдип ле керелеп, Кудайдыҥ чын јакшылыгы не болгонын слерге кыскарта бичидим. Бу јакшылыкта болуп јӱригер.

¹³Слерди чилеп Кудай талдап алган Вавилондогы серкпе, база Марк уулым слерди уткып турулар.

¹⁴Бой-бойыгарды јӱрегерде карузып уткыгар. Ончогорго, Христос Иисустыҥ Бойында јӱргендерге, амыр. Аминь.