Read Јаҥы Кереес 1 Тимофейге 2 Bible Online

1 Тимофейге 2 - Јаҥы Кереес bible

1 Тимофейге 2

¹Элдеҥ озо сурап турум: Кудайга беринип, Оны тооп, токыналу ла амыр јӱрӱм јӱрерге, ончо улус учун, каандар ла јаҥда тургандар учун јайнагар, мӱргигер, сурагар, алкыш-быйан айдыгар.

³Мынызы Аргадаачы Кудайыска јакшы, ол Ого јарап јат.

⁴Ол ончо улус аргадалып, чындыкты билип алзын деп јат.

⁵Кудай јаҥыс ине, Кудай ла улус ортодогы Ортокчы да јаҥыс, ол — кижи Христос Иисус.

⁶Ол ончо улус учун толынты эдип, Бойын берген; мынызы — бойыныҥ ӧйиниҥ керези.

⁷Ол учун мен калыктарга јарлыктаачы ла апостол болуп тургузылгам. Олорды бӱдӱмјиге ле чындыкка ӱредерге тургузылгам. Чынды айдадым, Христостыҥ Бойында болуп, тӧгӱндебей јадым.

⁸Анайдарда, эр улус чугулданбай ла эреҥистелбей, ару колдорын кӧдӱрип, кандый да јерде мӱргизин деп турум.

⁹Анайда ок ӱй де улус јарамыкту кийинзин деп турум; тӧп болзын, тудунып билзин, чачын ӧргӧниле, алтынла, эрјинеле, баалу-чуулу кийимле кееркединбезин,

¹⁰карын, Кудайга беринген кандый ла ӱй кижи эдетен быйанду керектерле кееркединзин.

¹¹Ӱй кижи унчукпай, сӧсуккур болуп ӱрензин.

¹²Ӱй кижиге ӱредерин, эр кижини башкарарын јаратпай јадым, ол унчукпай јӱрер учурлу,

¹³нениҥ учун дезе озо Адам јайалган, оноҥ — Ева.

¹⁴Адам тӧгӱндеткен эмес, ӱй кижи тӧгӱндедип, јазык эткен.

¹⁵Је ӱй кижи, бӱдӱп ле сӱӱп, агару болуп ла чын сананып јӱрзе, бала тапканыла аргадалар.