Read Јаҥы Кереес Титке 2 Bible Online

Титке 2 - Јаҥы Кереес bible

Титке 2

¹Сен дезе чын ӱредӱге келижип турганды айт:

²јажай берген эр улустыҥ санаазы эрӱӱл болзын, јарамыкту, кӧгӱстӱ болзын, чын бӱтсин, чын сӱӱзин ле чын чыдашсын.

³Анайда ок јажай берген ӱй улус агару јӱрӱм јӱрзин, копчы эмес болзын, аракыныҥ абына алдырбазын, јакшыга ӱретсин;

⁴јиит келиндерди ӧбӧгӧндӧрин сӱӱрге, балдарды сӱӱрге ӱретсин,

⁵кӧгӱстӱ болорго, ару болорго, айыл-јуртын кичеерге, јалакай болорго, ӧбӧгӧндӧрине сӧсуккур болорго ӱретсин. Ол тушта Кудайдыҥ сӧзи јамандалбас.

⁶Јиит улусты анайда ок кӧгӱстӱ болорго кычыр.

⁷Ӱредип тургаҥда, санааҥ ару болзын, јарамыкту бол, айткан сӧзиҥ јолду болзын, јек јок бол, биске удура улус уйатка калып, бис керегинде јаман айдатаны јок болзын деп, ончозында јакшы керектердиҥ јозогын кӧргӱс.

⁹Кулдар бойлорыныҥ бийлерине ончозында баксын деп, олорго јараарга кичеенсин, удурлашпазын, ууры этпезин, је ончозында јакшы чындыгын кӧргӱссин деп айт. Кудай Аргадаачыбыстыҥ ӱредӱзи кандый кеен болгонын ончозы кӧрзин.

¹¹Кудайдыҥ аргадаачы јакшылыгы ончо улуска ачылган.

¹²Кежиктӱ ижемјини — улу Кудай Аргадаачыбыс Иисус Христостыҥ магы ачыларын сакып јӱреристе, бу јакшылык Кудай јок јӱрерин ле телекейдиҥ улузыныҥ кычаларын јектеп, эмдиги ӧйдӧ чын сананып, акту јӱрерге ле Кудайга беринип јӱрерге ӱредет.

¹⁴Бисти кандый ла јарамастаҥ айрыйын деп, јакшы керектер эдерге јӱткип турган талдама калыкты Бойына арутап алайын деп, Ол Бойын бис учун берген.

¹⁵Мыны айдып, ӱрет, сеге берилген ончо јаҥды тузаланып, илезине чыгар. Сени кем де јектебезин.