Read Јаҥы Кереес Титке 3 Bible Online

Титке 3 - Јаҥы Кереес bible

Титке 3

¹Олорго эске алындырып, јамылуларга ла јаҥдарга баксын, сӧсуккур болзын, кандый ла јакшы керекке белен болзын деп,

²кемди де јамандабазын, арбанчак болбозын, ончо улуска јымжак ла быйанду болзын деп, айдып тур.

³Бис те качан да сананбас, бакпас болгоныс, асканыс, јӱзӱн-базын кычалардыҥ ла соот-јыргалдыҥ кулдары болгоныс; ачынып ла кӱйӱнип јӱргенис, јаман кӧрдиргенис ле бой-бойысты база јаман кӧргӧнис.

⁴Аргадаачыбыс Кудайдыҥ јакшызы ла кижизеги ачыларда,

⁵Ол бисти акту керектерис учун эмес, је Бойыныҥ быйаныла аргадаган — бисти јунала ойто ак-јарыкка чыгарып, Агару Тынла јаҥырткан.

⁶Оныҥ јакшылыгыла акталып, бис иженип турган ӱргӱлји јӱрӱмди энчилензин деп, Оны биске Аргадаачыбыс Иисус Христос ажыра артыктай берген.

⁸Бу чын сӧс. Ол керегинде сени алаҥзыбай айтсын деп, кӱӱнзеп турум. Кудайга бӱткен улус јакшы керектер эдерге јӱткӱзин. Мынызы улуска јакшы ла тузалу.

⁹Је учур јок блааш-тартыштардаҥ, ук-тӧс керегинде куучындардаҥ, Јасак керегинде сӧс блааштардаҥ кыйыжып тур, олор туза јок ло сандыртту.

¹⁰Бӧлиниш эдип турган кижини бир катап, экинчи катап санандырган соҥында, оноҥ јана бол.

¹¹Андый кижи јолдоҥ астыккан, кинчек эдип, бойын бойы јаргылаган деп бил.

¹²Сеге Артемды эмезе Тихикти ийзем, меге Никопольго келерге кичеен, мен ондо кыштаар[1] деп шӱӱдим.

¹³Зинас-јасакчы ла Аполлосты јолго јакшы јазап шыйды, олордо ончо неме јеткил болзын.

¹⁴Јӱрӱми туза јок болбозын деп, бистиҥ де улус јакшы керектер эдерге ӱрензин, керексип турган улуска болушсын.

¹⁵Мениле кожо јӱрген ончо улус сеге эзен айдып турулар. Кудайга бӱдӱп, бисти сӱӱп турган ончо улуска эзен айт. Јакшылык ончогорло болзын. Аминь.