Read Јаҥы Кереес Иаковтыҥ самаразы 5 Bible Online

Иаковтыҥ самаразы 5 - Јаҥы Кереес bible

Иаковтыҥ самаразы 5

¹Эмди угыгар, слер, байлар! Ыйлагар, сыктагар, — слерге кату-јобол келип јат.

²Байлыгаар чириди, кийимеерди кӱйе јиди.

³Алтыныгар ла мӧҥӱнигер татады. Олордыҥ тады слерге удура керелеп, эди-каныгарды от чылап јиир: байлыкты бойыгарга калганчы кӱндерге јуудыгар.

⁴Бат, ишчилер слердиҥ кыралардыҥ ажын кестилер, слер дезе олорго тӧлӧбӧдигер. Эмди олор кыйгы-кышкыда. Олордыҥ кыйгы-кышкызы Саваоф Кайраканга[1] угулды.

⁵Слер јерде јӱрӱп, јажыркап ла сайрап јадыгар, јӱректеригерди сойотон кӱнге семирттигер.

⁶Слер Актуны јаргылап, ӧлтӱрдигер; Ол слерге удурлашпады.

⁷Анайдарда, карындаштар, Кайраканныҥ келерине јетире узакка чыдамкай болыгар. Бат, јер ишчи јердиҥ баалу тӱжӱмин сакыйт, ого болуп јаскы ла кӱски јааштар јааганча узак чыдажат.

⁸Слер де узак чыдажыгар, јӱрегеерди бек эдигер, нениҥ учун дезе Кайраканныҥ келери јуук.

⁹Јаргыга кирбеске, бой-бойыгарга арбанышпагар, карындаштар. Бат, Јаргычы эжиктиҥ јанында туру.

¹⁰Кайраканныҥ адынаҥ айткан јарлыкчылар кыйын-шырада узак чыдашкан. Карындаштарым, олорды тем эдип алыгар.

¹¹Бат, чыдашкан улусты кежиктӱ деп адайдыс. Иовтыҥ чыдашканын укканыгар, ого учында Кайракан нени эткенин кӧргӧнигер, нениҥ учун дезе Кайракан кӧп быйанду ла буурзак.

¹²Элдеҥ озо, карындаштарым, теҥериле де, јерле де, ӧскӧ-башка кандый да чертле чертенбегер, је јаргылатпаска, «эйе» дегенигер, «эйе» болзын, «јок» дегенигер, «јок» болзын.

¹³Кемигер де шыралап јӱрӱ бе? Мӱргизин. Кем де сӱӱнип јӱрӱ бе? Сарназын.

¹⁴Кемигер де оору ба? Серкпениҥ јаандарын кычырзын. Олор оны Кайраканныҥ адына болуп майлап, ол учун мӱргизин.

¹⁵Бӱдӱп мӱргигени оору кижини аргадаар, оны Кайракан тургузар, кинчек эткен болзо, онызы ташталар.

¹⁶Анайдарда, јазыларга, јаман кылынганаарды бой-бойыгар алдында айдып, бой-бойыгар учун мӱргигер. Акту кижиниҥ тыҥыдылган мӱргӱзи кӧпти эдер аргалу.

¹⁷Илия бистий ле кижи болгон. Је ол јаҥмырлабазын деп, јайнап мӱргиирде, јерде ӱч јыл ла алты ай јаҥмырлабаган.

¹⁸База мӱргиирде, теҥери јаҥмыр берген, јер бойыныҥ јиилегин ӧскӱрген.

¹⁹Карындаштарым! Кемигер чындыктаҥ аза берзе, кемигер де оны кайра бурыза,

²⁰кинчектӱни јастыра јолынаҥ кайра бурыганы оныҥ тынын ӧлӱмнеҥ аргадап алар деп, ол учун кӧп кинчектер ташталар деп, ол кижи билзин.