Read Јаҥы Кереес Иоанныҥ 2-чи самаразы 1 Bible Online

Иоанныҥ 2-чи самаразы 1 - Јаҥы Кереес bible

Иоанныҥ 2-чи самаразы 1

¹Серкпениҥ јаанынаҥ — талдап алган абакайга ла оныҥ балдарына. Мен слерге чынынча карузып јадым, јаҥыс та мен эмезим, је чындыкты билип алган ончо улус.

²Бу чындык бойыбыста јӱрӱп, бисле кожо ӱргӱлјиге болор.

³Слерле Ада Кудайдаҥ ла Аданыҥ Уулы Иисус Христос Кайраканнаҥ чындыкта ла сӱӱште јакшылык, буурзаш, амыр болгой.

⁴Биске Ада берген јакылтала чындыктыҥ јолында базып јӱргендерди балдарыҥ ортодо тапканыма сӱреен сӱӱндим.

⁵Эмди сени сурап турум, абакай: бойы бойыбыска карузып јӱрели. Мен сеге јаҥы эмес, је озодоҥ бери болгон јакылтаны бичийдим.

⁶Сӱӱш — ол Кудайдыҥ јакылталарыла јӱргенис. Слер башкыдаҥ ала уккан јакылта бу: сӱӱште јӱригер,

⁷нениҥ учун дезе эт-канла келген Иисус Христосты јаратпай турган кӧп астыраачылар телекейге кирген. Андый кижи — тӧгӱнчи ле антихрист.

⁸Неге болуп иштегенисти биске јылыйтпаска, је толо кайрал аларга, ајарынып јӱригер.

⁹Христостыҥ ӱредӱзинде јӱрбей, оноҥ озолоп турган кандый ла кижиде Кудай јок; Христостыҥ ӱредӱзинде јӱрген кижиде Адазы да, Уулы да бар.

¹⁰Слерге келип, бу ӱредӱни экелбей турган кижини ӱйге кийдирбегер, уткыбагар да.

¹¹Оны уткуучы, оныҥ јаман керектеринде туружат.

¹²Слерге бичийтеним кӧп эди, је чаазынга чернеле бичиир кӱӱним јок. Слерге барып, акту бойыгарла эрмектежерим деп, иженип турум. Ол тушта сӱӱнчигер толо болор.

¹³Кудай талдап алган эјеҥниҥ балдары сеге эзен айдып туру. Аминь.