Read Јаҥы Кереес Ачылта 20 Bible Online

Ачылта 20 - Јаҥы Кереес bible

Ачылта 20

¹Теҥеридеҥ тӱжӱп јаткан ангелди кӧрӱп ийгем. Оныҥ колында алыс јердиҥ тӱлкӱӱри ле јаан кынјы болгон.

²Ол кӧрмӧс лӧ сатана болгон јелбегенди — јебрен јыланды тудуп, муҥ јылга кынјылаган.

³Алыс јерге таштап, бӧктӧйлӧ, чыгар јерин таҥмалаган. Оныҥ учун ол муҥ јыл туузылбайынча, калыктарды астырып болбос. Мыныҥ кийнинде ас ӧйгӧ јайымдалар.

⁴Ширеелерди, олордо отурган, јаргылаарга тап берилген улусты кӧрӱп ийгем. База Иисусты керелегени учун, Кудайдыҥ сӧзи учун бажын кезе чаптырган улустыҥ јулаларын. Олор аҥга, оныҥ сӱрине де бажырбаган, маҥдайына ла колына таҥма албаган. Олор тынданып, Христосло кожо муҥ јыл башкарган.

⁵Муҥ јыл туузылбаганча, ӧлгӧн улустыҥ артканы тынданбаган. Бу — баштапкы тирилиш.

⁶Баштапкы тирилиште ӱлӱзи бары кежиктӱ ле агару. Олорды экинчи ӧлӱм бийлеп болбос, је олор Кудайдыҥ ла Христостыҥ абыстары болор, Оныла кожо муҥ јыл башкарар.

⁷Муҥ јыл туузылза, сатана каруулдаҥ јайымдалар. Ол јердиҥ тӧрт булуҥында јуртаган калыктарды — Гог ло Магогты астырайын, олорды јуулажарга јууйын деп чыгар. Олордыҥ тоозы талайдыҥ кумагындый болор.

⁸Олор јердиҥ телкемине чыгып, агарулардыҥ оду-турлузын ла Кудайдыҥ сӱӱген калазын курчап ийгендер.

⁹Је теҥеридеги Кудайдаҥ от тӱжӱп, олорды јудуп койгон.

¹⁰Олорды астырган кӧрмӧс дезе отту ла кӱкӱрлӱ кӧлгӧ ташталган. Аҥ ла тӧгӱн јарлыкчы анда ок болгондор. Олор ончозы тӱни-тӱжи ӱргӱлји чакка кыйналар.

¹¹Улу ак ширеени ле ондо Отурганды кӧрӱп ийгем. Оныҥ кӧрӱжинеҥ теҥери ле јер качкандар, олорго јер табылбаган.

¹²Кудайдыҥ алдында турган ӧлгӧн улусты, кичӱлерди ле улуларды кӧрӱп ийгем. Тӱрбектер ачык болгон, ӧскӧ тӱрбек база ачык болгон — јӱрӱмниҥ тӱрбеги. Ӧлгӧн улус тӱрбектерде бичилгениле эткен керектериле јаргылаткан.

¹³Талай бойындагы ӧлгӧн улусты берген, Ӧлӱм ле Таамы ӧлгӧн улузын бергендер. Кажызы ла эткен керектериле јаргылаткан.

¹⁴Ӧлӱм ле Таамы отту кӧлгӧ ташталган. Бу — экинчи ӧлӱм.

¹⁵Јӱрӱмниҥ тӱрбегинде бичилбегени, отту кӧлгӧ ташталган.