Read Alur Thangambere 18 Bible Online

Thangambere 18 - Alur bible

Thangambere 18

¹Man Yehova nyuthre ire ba bongu mi Mamre, nwang’u ebedo dhugola mi hema ku dieceng’;

²man eting’o wang’e malu man eneno, man, nen, dhanu adek gicungo i wang’e: e kan enenogi, eringo nirombo kugi ku i dhugola mi hema, e erum gire i ng’om,

³man ewacu kumae, Rwoth para, tek kawono anwang’u bero i weng’i, akwei, kud ikadh ku wi jatic peri:

⁴dong’ wek jukel nyathi pi moko, man julwok tiendwu, man wuyom the yen:

⁵man abikelo nyathi kwen moko, wudwok ko cwinywu; e yo ku ng’ei maeni wubikadhu: kum wubino ba jatic mu. Man giwacu kumae, Tim kumeno, calu iwacu.

⁶E Ibrahim ucidho pio i hema pa Sara, man ewacu kumae, Yik mogo ma yom mukero adek pio, imiene, man itim kwen m’ang’ina.

⁷Man Ibrahim uringo bang’ udul lim, man ekelo nyathi dhiang’ ma ful ful man ma ber, e emie ni jatic; man etimo pio kara eyang’e.

⁸Man egamu moj dhiang’, man cak, man nyathi dhiang’ m’eyang’u, man ekethe i wang’gi; man ecungo i ng’etgi the yen e gicamu.

⁹Man giwacu ire kumae, Sara ma dhaku peri ni kani? Man ewacu kumae, Nen, i hema.

¹⁰Man ewacu kumae, Abidwogo i beng’i andha nwang’u nindo romo; man, nen, Sara ma cegi bibedo ku nyathin ma nico. Man Sara winjo ku i dhugola hema, ma ni i ng’eye.

¹¹Nwang’u Ibrahim ku Sara de giti, man rundi migi doko dupa; man kwir ma bedo ku mon ukang’ ni Sara.

¹²E Sara ng’iero yor i ie gire, ewacu kumae, Abibedo kud anyong’a m’adaru ti, ma rwoth para de ti?

¹³E Yehova wacu ni Ibrahim kumae, Sara ng’iero nedi, ewacu kumae, Abinyolo nyathin andha, ma an ke ati?

¹⁴Gin moko nuti ma voyo Yehova? Abidwogo i beng’i i nindo ma jung’olo, i karunyoni ma cen, man Sara bibedo ku nyathin ma nico.

¹⁵Sara lund ukwero, ewacu kumae, Ang’iero ngo; kum lworo nege. Man ewacu kumae, Ungo ento ing’iero.

¹⁶Man dhanune giai malu ku keca, e gineno yo ba Sodom: man Ibrahim ulwokogi eterogi i yo.

¹⁷Man Yehova wacu kumae, Abimung’o gin m’atimo ni Ibrahim;

¹⁸ma nwang’u Ibrahim bidoko thek ma dit ma tek andha, man thek ceke m’i ng’om binwang’u mugisa ni kume e?

¹⁹Kum ang’eye, nia ebing’olo ni nyithindhe ku juode yo ng’eye, kara giwor yo pa Yehova, kara gitim bedopwe man lembapoka; kara Yehova kel lembe m’eyero pire wi Ibrahim.

²⁰Man Yehova wacu kumae, Kum ywak mi Sodom ku Gomora e dit, man kum dubo migi dit hai;

²¹abiloro piny kawono, man abineno tek gitimo ceke calku ywakne, m’ubino i bang’a; man tek kumeno ngo, abing’eyo.

²²E dhanune gilokri ku keca, man gicidho yo ba Sodom: ento Ibrahim foducungo i wang’ Yehova.

²³Man Ibrahim ucoro ceng’ni, man ewacu kumae, Ibinyotho weg bedopwe karacelo ku judubo?

²⁴Kuno nyo weg bedopwe pier abic ni i adhurane: ibinyotho man ibiweko kaka ngo ni weg bedopwe pier abic ma ni i ie?

²⁵Timo wagi gin ma kumeno maku piny ungo iri, ninego weg bedopwe karacelo ku judubo, ma nia weg bedopwe bed calu judubo; emaku piny iri ngo: Japoklembe mi ng’om ngung’ bitimo atira ngo?

²⁶Man Yehova wacu kumae, Tek anwang’u weg bedopwe pier abic i Sodom i adhurane, e abiweko kaka maeno ceke ni kumgi.

²⁷E Ibrahim uloko lembe man ewacu kumae, Kawono nen, agoira niweco ku Rwoth, an ma an utur ku vuru kende:

²⁸kuno nyo weg bedopwe pier abic urem abic: ibinyotho adhurane ceke kum abic m’uremi? Man ewacu kumae, Abinyothe ngo, tek anwang’u keca pier ang’wen wi abic.

²⁹Man eweco i bang’e kendo, man ewacu kumae, Kuno nyo jubinwang’u pier ang’wen keca. Man ewacu kumae, Abitime ngo ni kum pier ang’wen.

³⁰Man ewacu kumae, A ng’ecwiny kud umak Rwoth, e abiweco: kuno nyo jubinwang’u pier adek keca. Man ewacu kumae, Abitime ngo, tek anwang’u pier adek keca.

³¹Man ewacu kumae, Kawono nen, agoira niweco ku Rwoth: kuno nyo jubinwang’u pier ario keca. Man ewacu kumae, Ni kum pier ario de abinyothe ngo.

³²Man ewacu kumae, A ng’ecwiny kud uneg Rwoth, man abiweco wang’ acel maeni kende: Kuno nyo jubinwang’u apar keca. Man ewacu kumae, Abinyothe ngo ni kum juapar.

³³E Yehova ci dho i yo pare, ka gidaru weco gikud Ibrahim: man Ibrahim udok kakare.