Read Alur 2 Samwil 24 Bible Online

2 Samwil 24 - Alur bible

2 Samwil 24

¹E ng’ecwiny pa Yehova opo kum Israel kendo, man eting’o cwiny Daudi i kumgi, ewacu kumae, Cidhi, kwan Israel ku Yuda.

²E ubimo wacu ni Yoab ma jego mir udul, ma gini kude, Wucidh kawono kun ku kun kind suru ceke mir Israel, ugambre Dan cil kum Ber-ceba, man wukwan dhanu, kara ang’ei wel dhanu.

³E Yoab uwacu ni ubimo kumae, Kawono Yehova Mungu peri umed wel dhanu, calu welgi bedo, bang’ dak: man wang’ rwoth para m’ubimo nen gin maeni: ento nedi rwoth para m’ubimo nwang’u mutoro kum gin maeni?

⁴Ento, lembe p’ubimo sagu kum Yoab, man kum jego mir udul. Man Yoab ku jego mir udul giai kud i vut ubimo, kara gikwan dhanu mir Israel.

⁵Man gikadhu loka Yordan e gigonjo i Aroer, i ng’et adhura ma yor acwic ma ni i die poga pa Gad, man kum Yazer:

⁶gilund gibino Gilead, man ba ng’om mi Tatimhodci; man gibino ba Dan-yan, man gigondri ba Sidon,

⁷man gitundo i ka ma tek mi Turo, man bang’ adhura ceke mi Juhivi, man mi Jukanani; giwodhri yor ariwa ma piny ni Yuda, kum Ber-ceba.

⁸Kum kumeno kinde ma gidaru cidho kun ku kun kud i ng’om ceke, gibino Yerusalem ka dwi abung’wen ku ceng’ pier ario thum ko.

⁹Man Yoab uwodho wel mi kwan mi dhanu ni ubimo: man dhanu ma i kind Israel ma Jurukara ma weg palamularu rubanga dak abora; man dhanu mi Yuda gi dhanu rubanga dak abic.

¹⁰E adunde Daudi goye yo ng’ei kwanu dhanu m’ekwanu. Man Daudi wacu ni Yehova kumae, Adubo dit kum gin maeni m’atimo: ento kawono, E Yehova, akwei, cor kier pa jatic peri cen; kum atirtio kasegu dit.

¹¹E ka Daudi ai malu kugweno, lembe pa Yehova bino ba jabila ma Gad, ma jaeulembe pa Daudi, ewacu kumae,

¹²Cidh iwac ni Daudi kumae, Yehova wacu kumae, Aketho lembe adek i weng’i: foi acel m’i kindgi, kara atime i kumi.

¹³Kum kumeno Gad ubino ba Daudi, man eyero ire, man ewacu ire kumae, Ndru mi rundi abiro bibino i beng’i i ng’om peri? kadi ibiringo dwi adek i wang’ judegini kinde ma gilubo toki? kadi thong’om bibedo ceng’ adek i ng’om peri? kawono por lembe, man ii pid nia lembaloka ang’o m’abidwoko ba ng’atu m’uora.

¹⁴Man Daudi wacu ni Gad kumae, Ani i lembarida ma tek: kawono wek wapodh i cing’ Yehova; kum kisa pare dit; man kud apodh i cing’ dhanu.

¹⁵Kum kumeno Yehova oro thong’om wi Israel ugambre kugweno cil kum nindo ma jung’olo; man Idnd dhanu tho ugambre Dan cil kum Ber-ceba dhanu rubanga pier abiro.

¹⁶Man kinde ma malaika rieyo cinge yo ba Yerusalem kara enyothe, Yehova lokre gire kum lem ma rac, man ewacu ni malaika m’unyotho dhanu kumae, Eromo; kawono dol cingi. Man malaika pa Yehova ni i ng’ei lelacam pa Arauna ma Jayebusi.

¹⁷E Daudi wacu ni Yehova kinde m’eneno malaika m’ugoyo dhanu, man ewacu kumae, Nen, adubo, man akier; ento rombe maeni, gitimo ang’o? akwei, wek cingi bed i wia, man wi ot pa vwa.

¹⁸E Gad ubino i ceng’ maeca ba Daudi, man ewacu ire kumae, Idh malu, man igur pemblam ni Yehova wi lelacam pa Arauna ma Jayebusi.

¹⁹Man Daudi idho malu calku lembawaca pa Gad, calu Yehova ng’olo.

²⁰Man Arauna neno, e eneno ubimo ku jutic pare bebino yor i bang’e: man Arauna wok woko, man erum gire i wang’ ubimo ma wang’e ni yor i ng’om.

²¹Man Arauna wacu kumae, Rwoth para m’ubimo bino ba jatic pare nedi? E Daudi wacu kumae, Kara aiig’ieu lelacam i beng’i, kara agom pemblam ni Yehova, kara thong’om ujik i kum dhanu.

²²Man Arauna wacu ni Daudi kumae, Wek rwoth para m’ubimo gam man ethier gin m’ubedo ber ire: nen, koni dhiang’ ni lam m’awang’a, ku jamfodo man mberembere mi koni dhiang’ ni yende:

²³maeni ceke, E ubimo, Arauna mio ni ubimo. Man Arauna wacu ni ubimo kumae, Yehova Mungu peri joli.

²⁴Man ubimo wacu ni Arauna kumae, Ungo; ento abing’iewe andha i beng’i ku wel piny; kadok lam m’awang’a de abithiero ngo ni Yehova Mungu para ma wel pinje mbe. Kum kumeno Daudi ng’iewo lelacam ku koni dhiang’ ku cekel pier abic mi mola ma tar.

²⁵Man Daudi guro pemblam keca ni Yehova, man ethiero lam m’awang’a ku lam mi kwiocwiny. Kum kumeno Yehova winjo lembe ma pi ng’om, e thong’ombe jik kum Israel.