Read Alur I Lemkei 2 Bible Online

I Lemkei 2 - Alur bible

I Lemkei 2

¹Maeni gi wot Israel: Ruben, man Simeon, man Lawi, man Yuda, man Isakar, man Zebulun,

²man Dan, man Yusuf, man Benyamin, man Naftali, man Gad, man Acer.

³Wot Yuda gi eni: Er, man Onan, man Cela; ma gin adek junyolo ire kor nya Cua ma Nyakanani. Man Er, ma kayu pa Yuda, e rac i wang’ Yehova; man enege.

⁴Man Tamar ma ci wode nyolo ire Perez ku Zera. Wot ceke pa Yuda gin abic.

⁵Wot Perez gi eni: Hezron, man Hamul.

⁶Man wot Zera gi eni: Zimri, man Ethan, man Heman, man Kalkol, man Dara; kagi ceke gin abic.

⁷Man wot Karmi gi eni: Akar, ma jasend Israel, m’utimo dubo i gin m’akwong’a.

⁸Man wod Ethan en e Azaria.

⁹Wot Hezron bende, ma junyolo ire gi eni: Yeramel, man Ram, man Kelubai.

¹⁰Man Ram unyolo Aminadab, man Aminadab unyolo Nacon, ma jaditmawijo mi nyithindho pa Yuda;

¹¹man Nacon unyolo Salma, man Salma unyolo Boaz,

¹²man Boaz, unyolo Obed, man Obed unyolo Yese;

¹³man Yese nyolo kayu pare Eliab, man Abinadab mir arionde, man Cimea mir adege,

¹⁴man Nethanel mir ang’wende, man Radai mir abije,

¹⁵Man Ozem mir abusiende, man Daudi mir abirone;

¹⁶man nyimeggi gi Zeruia man Abigail. Man wot Zeruia gi eni: Abicai, man Yoab, man Asahel, juadek.

¹⁷Man Abigail unyolo Amasa; man won Amasa en e Yether ma Jaicmaeli.

¹⁸Man Kaleb ma wod Hezron unyolo nyithindho kor Azuba ma dhaku pare, man kor Yerioth; man maeni gi wote: Yecer, man Cobab, man Ardon.

¹⁹Man Azuba tho, man Kaleb ugamu Efrath i bang’e, m’enyolo ire Hur.

²⁰Man Hur unyolo Uri, man Uri nyolo Bezalel.

²¹Man yo ku ng’eye Hezron umondo ba nya Makir ma won Gilead, m’egamu ni cege ka rundi pare pier abusiel; man enyolo ire Segub.

²²Man Segub unyolo Yair, m’ebedo kud adhura pier ario wi adek i ng’om Gilead.

²³Man Gecur kud Aram gimayu pacu pa Yair kud i bang’gi, ku Kenath, man pacune, en e adhura pier abusiel. Maeni ceke gi wot Maltir ma won Gilead.

²⁴Man yo ng’ei tho pa Hezron i Kaleb-efratha, Abija ma ci Hezron ulund unyolo ire Achur ma won Tekoa.

²⁵Man wot Yeramel ma kayu pa Hezron en e Ram ma kayu, man Buna, man Oren, man Ozem, man Ahija.

²⁶Man Yeramel e won dhaku mange, ma nyinge Atara; en e min Onam.

²⁷Man wot Ram ma kayu pa Yeramel en e Maz, man Yamin, man Eker.

²⁸Man wot Onam gi Camai, man Yada. Man wot Camai gi eni: Nadab, man Abicur.

²⁹Man nying’ dhaku pa Abicur en e Abihail; man enyolo ire Aban, man Molid.

³⁰Man wot Nadab gi eni: Seled, man Apaim; ento Seled utho ma nyithindhe mbe.

³¹Man wot Apaim gi eni: Ici. Man wot Ici gi eni: Cecan. Man wot Cecan gi eni: Alai.

³²Man wot Yada m’umin Camai gi eni: Yether, man Yonathan; man Yether utho ma nyithindhe mbe.

³³Man wot Yonathan gi eni: Peleth, man Zaza. Maeni gi wot Yeramel.

³⁴Nwang’u Cecan wote mbe, nyige re ma nuti. Man Cecan jatic pare nuti, ma Jamisiri, ma nyinge Yarha.

³⁵Man Cecan umio nyare ni Yarha ma jatic pare ni dhaku; man enyolo ire Atai.

³⁶Man Atai nyolo Nathan, man Nathan unyolo Zabad,

³⁷man Zabad unyolo Eflal, man Eflal unyolo Obed,

³⁸man Obed unyolo Yehu, man Yehu nyolo Azaria,

³⁹man Azaria nyolo Helez, man Helez unyolo Eleasa,

⁴⁰man Eleasa nyolo Sismai, man Sismai nyolo Calum,

⁴¹man Calum unyolo Yekamia, man Yekamia nyolo Elicama.

⁴²Man wot Kaleb m’umin Yeramel gi Meca ma kayu pare, ma en e won Zif; man wot Mareca ma won Hebron.

⁴³Man wot Hebron gi eni: Kora, man Tapua, man Rekem, man Cema.

⁴⁴Man Cema nyolo Raham, ma won Yorkeam; man Rekem unyolo Camai.

⁴⁵Man wod Camai en e Maon; man Maon en e won Beth-zur.

⁴⁶Man Efa dhaku m’araga pa Kaleb, unyolo Haran, man Moza ku Gazez; man Haran unyolo Gazez.

⁴⁷Man wot Yadai gi eni: Regem, man Yothan, man Gecan, man Pelet, man Efa, man Caf.

⁴⁸Maka, ma dhaku m’araga pa Kaleb, unyolo Ceber man Tirhana.

⁴⁹Enyolo Caf ma won Madmana bende, Ceva ma won Makbena, man won Gibeya; man nya Kaleb en e Aksa.

⁵⁰Maeni gi wot Kaleb, ma wod Hur, ma kayu pa Efratha: Cobal ma won Kiriath-yearim,

⁵¹man Salma ma won Beth-lehem, man Haref ma won Bethgader.

⁵²Man Cobal ma won Kiriathyearim wote nuti gi eni: Haroe, ng’et Jumenuhoth.

⁵³Man wat pa Kiriathyearim gi eni: Juithri, man Juputhi, man Jucumathi, man Jumicrai; Juzorathi man Juectaoli ai i bang’gi.

⁵⁴Wot Salma gi eni: Beth-lehem, man Junetofathi, Atrothbeth-yoab, man ng’et Jumanahathi ma Juzori.

⁵⁵Man wat mi jugorcik m’ubedo Yabez gi eni: Jutirathi, man Jucimeathi, man Jusukathi. Maeni gi Jukeni m’uai ba Hamath, ma won juot pa Rekab.