Read Alur I Lemkei 20 Bible Online

I Lemkei 20 - Alur bible

I Lemkei 20

¹Man etimbre, i nindo mi dwogo mi rundi, i nindo ma ju m’ubimo cidho i lwiny, nia Yoab utelo wi njuru asikari, man enyotho ng’om mi nyithindho mir Amon, man ebino etieko Raba kud ali. Ento Daudi bedo i Yerusalem. Man Yoab ugoyo Raba, enyothe de.

²Man Daudi wodho jamkermiwic ku wi ubimo migi, man enwang’u pekne talanto acel mi mola ma kwar, man kidi ma pire tek ni i ie; e juroye i wi Daudi: man ewo dho ayeki ku i adhura, dit apila.

³E ewodho dhanu ma gini i ie woko, man ethumogi ku uligu, man ku pala ma dit mi nyunyu, man ku lei. Man Daudi timo kumeca kum adhura ceke mi nyithindho mir Amon. Man Daudi ku dhanu ceke gidok i Yerusalem.

⁴Man etimbre yo ng’ei maeni, nia ali moc i Gezer ku Jufilisti: i nindo maeca Sibekai ma Jahucathi nego Sipai, kind wot pa ng’atu ma bor; man jujwigogi.

⁵E ali moc kendo ku Jufilisti; man Elhanan ma wod Yair unego Lami m’umin Goliath ma Jagiti, ma ruvangu pare calu yen mi jamcwic pa jacwibongu.

⁶Man ali moc kendo i Gath, ka ma ng’atu ma bor ni i ie ma lwet cinge ku lwet tiende pier ario wi ang’wen, lwet cinge ku lwet tiende abusiel abusiel; en bende en e wod ng’atu ma bor.

⁷Man kinde m’ecayu Israel, Yonathan ma wod Cimea m’umin Daudi nege.

⁸Jumaeni junyolo ni ng’atu ma bor i Gath; man gipodho ku cing’ Daudi, man ku cing’ jutic pare.