Read Alur I Lemkei 24 Bible Online

I Lemkei 24 - Alur bible

I Lemkei 24

¹Man kur mi wot Harun gi eni. Wot Harun gi eni: Nadab man Abihu, Eleazar man Ithamar.

²Ento Nadab man Abihu gilar githo ni weggi, man nyithindho mbe kugi: ka kumeno Eleazar man Ithamar gitimo tic pa jalam.

³Man Daudi ku Zadok mi wot Eleazar, man Ahimelek mi wot Ithamar, gipokogi calku tic migi ma ni i korgi i timotim migi.

⁴Man judongo ma junwang’u kind wot Eleazar gisagu ma kind wot Ithamar; e jupokogi kumeni: ma kind wot Eleazar apar wi abusiel nuti, ma wi udi pa wego; man ma kind wot Ithamar, calku udi pa weggi, gin abora.

⁵Jupokogi ku gagi kumeni, juman ku juwagi juman ku juwagi; kum judongomawijo mi kamaleng’, man judongomawijo pa Mungu ginuti, mi wot Eleazar, man mi wot Ithamar bende.

⁶Man Cemaya ma wod Nethanel ma jagorcik, ma en e mi Julawi, egorogi i vut ubimo, ku judongomawijo, man Zadok ma jalam, man Ahimelek ma wod Abiathar, man wi udi pa weggi mi julam man mi julawi; ot pa wego acel ma jugamu pi Eleazar, man acel ma jugamu pi Ithamar.

⁷Nie gagi ma kwong’ane wodhre ni Yehoiarib, mir arionde ke ni Yedaya,

⁸mir adege ke ni Harim, mir ang’wende ke ni Seorim,

⁹mir abije ke ni Malkija, mir abusiende ke ni Mijamin,

¹⁰mir abirone ke ni Hakoz, mir aborane ke ni Abija,

¹¹mir abung’wende ke ni Yecua, mir apaje ke ni Cekania,

¹²mir apar wi acende ke ni Eliacib, mir apar wi arionde ke ni Yakim,

¹³mir apar wi adege ke ni Hupa, mir apar wi ang’wende ke ni Yecebeyab,

¹⁴mir apar wi abije ke ni Bilga, mir apar wi abusiende ke ni Imer,

¹⁵mir apar wi abirone ke ni Hezir, mir apar wi aborane ke ni Hapizez,

¹⁶mir apar wi abung’wende ke ni Pethahia, mi pier arionde ke ni Yehezkel,

¹⁷mi pier ario wi acende ke ni Yakin, mi pier ario wi arionde ke ni Gamul,

¹⁸mi pier ario wi adege ke ni Delaya, mi pier ario wi ang’wende ke ni Mazia.

¹⁹Maeni en e tic ma ni i korgi i timotim migi, kara gimond i ot pa Yehova calku lembapoka m’umire igi ku dhu Harun ma weggi, calu Yehova, Mungu mir Israel, ung’olo ire.

²⁰Man mi dong’ wot Lawi: mi wot Amram, Cubayel; mi wot Cubayel, Yedeya.

²¹Mi Rehabia: mi wot Rehabia, Ishia ma jadit.

²²Mi Juizhari, Celomoth; mi wot Celomoth, Yahath.

²³Man wot Hebron gi eni: Yeria ma jadit, Amaria mir arionde, Yahaziel mir adege, man Yekameyam mir ang’wende.

²⁴Wot Uziel, Mika; mi wot Mika, Camir.

²⁵Umin Mika Ishia; mi wot Ishia, Zeharia.

²⁶Wot Merari gi eni: Mali man Muci; wot Yazia gi eni: Beno.

²⁷Wot Merari gi eni: mi Yazia, Beno, man Coham, man Zakur, man Ibri.

²⁸Mi Mali: Eleazar, ma wote mbe.

²⁹Mi Kic; wot Kic: Yeramel.

³⁰Man wot Muci gi eni: Mali, man Eder, man Yerimoth. Maeni wot Julawi calku udi pa weggi.

³¹Maeni bende gigoyo gagi cil calu uturneggi ma wot Harun i vut Daudi m’ubimo, man Zadok, kud Ahimelek, man wi udi pa wego mi julam man mi Julawi; udi mi wego ma dit cil calu maeno p’umin mire ma nok.