Read Alur I Lemkei 25 Bible Online

I Lemkei 25 - Alur bible

I Lemkei 25

¹Mange ke Daudi ku jego mir udul gikoyo jumoko mi timotim m’i kind wot Asaf, man pa Heman, man pa Yeduthun, ma biewo lembe ku nanga, kud adungu, man kud umbukulumbu: man wel mi ju m’utimo tic calku timotim migi gi eni:

²mi wot Asaf: Zakur, man Yusuf, man Nethania, man Acarela, ma wod Asaf, the cing Asaf, m’uewo lembe calku lembang’ola p’ubimo.

³Pa Yeduthun; wot Yeduthun gi eni: Gedalia, man Zeri, man Yecaya, man Hacabia, man Matithia, gin abusiel, the cing’ weggi ma Yeduthun ku nanga, m’eewo lembe i mio foyofoc man paku Yehova.

⁴Pa Heman; wot Heman gi eni; Bukia, man Matania, man Uziel, man Cebuel, man Yerimoth, man Hanania, man Hanani, man Eliatha, man Gidalti, man Romamti-ezer, man Yocbekaca, man Malothi, man Hothir, man Mahazioth.

⁵Maeni ceke gi wot Heman ma jaeulembe p’ubimo i lembe pa Mungu, kara uting’ tung malu. Man Mungu mio wote apar wi ang’wen ku nyige adek ni Heman.

⁶Maeni ceke gini the cing’ weggi mi wer i ot pa Yehova, kud umbukulumbu, man adungu, ku nanga, pi timotim i ot pa Mungu; Asaf, man Yeduthun, man Heman ma gini the lembang’ola p’ubimo.

⁷Man welgi, karacelo ku uturneggi ma juponjogi i wer ma ni Yehova, en e dhanu ceke ma gi riek, gi dak ario ku pier abora wi abora.

⁸Man gigoyo gagi mi tic migi, ceke acel, ma thindho calu ma dongo, japonji calu japonja.

⁹Nie gagi ma kwong’ane wodhre pi Asaf ba Yusuf; mir arionde ke ba Gedalia; en ku utumin mire man wote gin apar wi ario:

¹⁰mir adege ke ba Zakur, wote man utumin mire, gin apar wi ario:

¹¹mir ang’wende ke ba Izri, wote man utumin mire, gin apar wi ario:

¹²mir abije ke ba Nethania, wote man utumin mire, gin apar wi ario:

¹³mir abusiende ke ba Bukia, wote ku utumin mire, gin apar wi ario:

¹⁴mir abirone ke ba Recarela, wote man utumin mire, gin apar wi ario:

¹⁵mir aborane ke ba Yecaya, wote man utumin mire, gin apar wi ario:

¹⁶mir abung’wende ke ba Matania, wote ku utumin mire, gin apar wi ario:

¹⁷mir apaje ke ba Cimei, wote man utumin mire, gin apar wi ario:

¹⁸mir apar wi acende ke ni Azarel, wote ku utumin mire, gin apar wi ario:

¹⁹mir apar wi arionde ke ba Hacabia, wote man utumin mire, gin apar wi ario:

²⁰mir apar wi adege, Cubael, wote ku utumin mire, gin apar wi ario:

²¹mir apar wi ang’wende, Matithia, wote man utumin mire, gin apar wi ario;

²²mir apar wi abije ke ba Yeremoth, wote ku utumin mire, gin apar wi ario:

²³mir apar wi abusiende ke ba Hanania, wote man utumin mire, gin apar wi ario:

²⁴mir apar wi abirone ke ba Yocbekaca, wote man utumin mire, gin apar wi ario:

²⁵mir apar wi aborane ke ba Hanani, wote man utumin mire, gin apar wi ario:

²⁶mir apar wi abung’wende ke ba Malothi, wote man utumin mire, gin apar wi ario:

²⁷mi pier arionde ke ba Eliatha, wote man utumin mire, gin apar wi ario:

²⁸mi pier ario wi acende ke ba Hothir, wote man utumin mire, gin apar wi ario:

²⁹mi pier ario wi arionde ke ba Gidalti, wote man utumin mire, gin apar wi ario:

³⁰mi pier ario wi adege ke ba Mahazioth, wote man utumin mire, gin apar wi ario:

³¹mi pier ario wi ang’wende ke ba Romamti-ezer, wote man utumin mire, gin apar wi ario.