Read Alur I Lemkei 5 Bible Online

I Lemkei 5 - Alur bible

I Lemkei 5

¹Man wot Ruben ma kayu pa Israel (kum en e kayu; ento, kum ecido kavuto pa won, camupacu pare jumio ba Wot Yusuf ma wod Israel; man thekwaru jukwanu calku camupacu ngo.

²Kum Yuda telo wi utumin mire, man jatelwic uai i bang’e; ento camupacune en e pa Yusuf),

³wot Ruben ma kayu pa Israel gi eni: Hanok, man Palu, man Hezron, man Karmi,

⁴Wot Yoel gi eni: Cemaya ma wode, Gog ma wode, Cimei ma wode,

⁵Mika ma wode, Reaya ma wode, Bal ma wode,

⁶Bera ma wode, ma Tilgathpilneser m’ubimo mir Ascur uyake ni ng’eca: en e jaditmawijo mi Jurubeni.

⁷Man utumin mire ku wat migi, ka jukwanu thekwaru mi dhanum’utuk migi: jadit, Yeiel, man Zekaria,

⁸man Bela ma wod Azaz, ma wod Cema, ma wod Yoel, m’ubedo i Aroer, cil kum Nebo man Bal-meon:

⁹man yo nyangu ebedo cil kum kamondo mi langa ugambre kulo Frati, kum lim migi medre i ng’om Gilead.

¹⁰Man i nindo pa Saul, gitimo ali ku Juhagri, m’upodho ku cing’gi; e gibedo i hema migi i ng’om ceke mba mba yo nyangu ni Gilead.

¹¹Man wot Gad gibedo yor i kumgi, i ng’om Bacan cil kum Saleka:

¹²Yoel ma jadit, man Cafam mir arionde, man Yanai, man Cafat i Bacan.

¹³Man utumeggi mi udi pa weggi gi eni: Mikael, man Meculam, man Ceba, man Yorai, man Yakan, man Zia, man Eber, gin abiro.

¹⁴Maeni wot Abihail, ma wod Huri, ma wod Yaroa, ma wod Gilead, ma wod Mikael, ma wod Yecicai, ma wod Yado, ma wod Buz;

¹⁵Ahi ma wod Abdiel, ma wod Guni, jadit mi udi pa weggi.

¹⁶Man gibedo i Gilead i Bacan, man i pacune, man i ng’et Caron ceke, cik kum kieu migi.

¹⁷Maeni ceke jukwanu ku thekwaru i nindo pa Yotham m’ubimo mi Yuda, man i nindo pa Yeroboam m’ubimo mir Israel.

¹⁸Wot Ruben, man Jugadi, ku ng’et suru pa Manase, dhanu ma jukero, dhanu ma copo yeyo thungu ku palamularu, ma copo kilo kud atum de, ma riek i ali de, gi rubanga pier ang’wen wi ang’wen ku dak abiro ku pier abusiel ma copo cidho woko i ali.

¹⁹Man gitimo ali ku Juhagri, ku Yetur, man Nafic, man Nodab.

²⁰E jukonyogi kum jono, man jumio Juhagri i cing’gi, ku dhanu ceke ma ni i bang’gi; kum gilwong’o Mungu i ali, e ewinjogi, kum giketho genogen migi i kume.

²¹E gimayu lim migi; mi ngamia migi rubanga pier abic, man mir udul rombe rubanga dak ario ku pier abic, man mi kana rubanga ario, man kind dhanu rubanga dak acel.

²²Kum dupa podho ma junego, kum aline en e pa Mungu. Man gibedo i kaka joca cil kum ng’eca.

²³Man nyithindho mi ng’et suru pa Manase gibedo i ng’ombe: gimedri ugambre Bacan cil kum Balhermon man Senir ku got Hermon.

²⁴Man maeni gi wi udi pa weggi: en e Efer, man Ici, man Eliel, man Azriel, man Yeremia, man Hodavia, man Yadiel, gi dhanu ma tek ma jurukara, dhanu pa pigi yik, ma wi udi pa weggi.

²⁵E gidubo ni Mungu pa weggi, man gitimo asara tok mungu mi dhanu m’i ng’om, ma Mungu nyotho i wang’gi.

²⁶Man Mungu mir Israel uting’o cwiny Pul m’ubimo mir Ascur, man cwiny Tilgath-pilneser m’ubimo mir Ascur, e eyakugi, cil Jurubeni, man Jugadi, man ng’et suru pa Manase, man ekelogi i Hala man Habor, man Hara, man kum kulo Gozan, cil i ceng’ ma tin.