Read Alur 2 Lemkei 14 Bible Online

2 Lemkei 14 - Alur bible

2 Lemkei 14

¹A Kum kumeno Abija nindo ku kwaru pare, man giyike i adhura pa Daudi; e Asa ma wode camu ker kakare. I nindo pare ng’om ukwio rundi apar.

²Man Asa timo gin ma ber m’atira de i wang’ Yehova Mungu pare:

³kum ekabu pemblam ma wirok woko, ku ka ma malu, man erwombo mbegi piny, etong’o mungu m’araga piny de,

⁴e eng’olo ni Yuda ya giyeny Yehova, Mungu pa kwaru migi, man nia gitim cik ku lembang’ola.

⁵Man ekabu ka ma malu kud ayi gin m’acwia mi ceng’ woko kud i adhura mi Yuda ceke bende: man ker ubedo yo i wang’e.

⁶Man egomo adhura ma tek i Yuda; kum ng’om ukwio, man ali mbe i rundi maeca, kum Yehova mio ire yom.

⁷Kum ewacu ni Yuda kumae, Wek wagomu adhura maeni, man wagoyu gang’kidi i kumgi, man otkur, ku dhugang’, man utwindi; ng’om fodi ni i wang’wa, kum wayenyo Yehova Mungu mwa: wayenye, e emio iwa yom kun ku kun. Kum kumeno gigomo e lembe migi bedo miero.

⁸Man Asa bedo ku njuru asikari ma weg thungu ku tong’, kud i Yuda rubanga dak adek; man kud i Benyamin, ma weg ban man ma dwanyu atum, rubanga dak ario ku pier abora: maeni ceke gi dhanu ma tek ma ratego.

⁹Man Zera ma Jakuci wok woko i kumgi ku njuru asikari rubanga rubanga, man magali dak adek; man ebino ba Mareca.

¹⁰Asa lund uwok woko kara eromb kude, man githero lwiny i poga mi Zefatha i Mareca.

¹¹E Asa lwong’o Yehova, Mungu pare, man ewacu kumae, Yehova, ng’atu moko mbe ma konyo calu in, i kind ng’atu ma tek ku ng’atu ma tego mbe kude: konywa, E Yehova Mungu mwa; kum wageno in, man wabino kum udul maeni i nyingi. E Yehova, in i Mungu mwa; kud iyi dhanu segi.

¹²Kum kumeno Yehova goyo Jukuci i wang’ Asa, man i wang’ Yuda; man Jukuci ringo.

¹³Man Asa ku dhanu ma gini kude gilubo tokgi cil kum Gerar: man Jukuci githo dit apila ketho nia gicopo kayu cwinygi kendo ngo; kum junyothogi i wang’ Yehova, man i wang’ udul pare; e giyaku ayeki dit apila.

¹⁴E gigoyo adhura ceke m’utieko Gemr gbur, kum lworo pa Yehova bino i wrigi: man giyaku adhura ceke; kum ayeki dit ni i igi.

¹⁵Gigoyo hema mi lim bende, man giyaku rombe dit apila, ku ngamia, e gidwogo Yerusalem.