Read Alur 2 Lemkei 17 Bible Online

2 Lemkei 17 - Alur bible

2 Lemkei 17

¹Man Yehocafat ma wode camu ker kakare, man etegre gire kum Israel.

²Man eketho njuru asikari i adhura ma tek ceke mi Yuda, man eketho ot ma tek i ng’om mi Yuda, man i adhura pa Efraim ma Asa ma won umaku.

³Man Yehova ni karacelo ku Yehocafat, kum ewotho i yo ma kwong’ane pa kwaru mire ma Daudi, man eyenyo Balim ungo,

⁴ento eyenyo ba Mungu pa won, man ewotho i lembang’ola pare, man calku tim mir Israel ungo.

⁵Ka kumeno Yehova ketho ker ucungo i cinge; man Yuda ceke kelo ajok ni Yehocafat; man ebedo ku lonyo ku yung dit apila.

⁶E adundene tingre i yo pa Yehova: man kendo ekabu ka ma malu woko ku mungu m’araga de kud i Yuda.

⁷I rundi mir adege mi camuker pare eoro judongomawijo pare bende, en e Benhail, man Obadia, man Zekaria, man Nethanel, man Mikaya, kara giponj i adhura mi Yuda;

⁸man karacelo kugi Julawi, en e Cemaya, man Nethania, man Zebadia, man Asahel, ku Cemiramoth, man Yehonathan, man Adonija, ku Tobija, man Tobadonija, ma Julawi; man karacelo kugi Elicama man Yehoram, ma gi julam.

⁹E giponjo i Yuda, ma gibedo ku kitabu mi cik pa Yehova i bang’gi; man gicidho mba mba i adhura mi Yuda ceke, e giponjo i kind dhanu.

¹⁰Man lworo pa Yehova podho wi ker ceke m’i ng’om m’utieko Yuda, ketho nia giting’o ali moko ngo kum Yehocafat.

¹¹Man Jufilisti moko gikelo giramia ba Yehocafat, man mola ma tar ni ajok; Juarabi bende gikelo udul rombe i bang’e, nyogi rombe rubanga abiro ku dak abiro, man nyogi diegi rubanga abiro ku dak abiro.

¹²E Yehocafat udoko dit apila; man egomo ot ma tek kud adhura mi kakanpiny i Yuda.

¹³Man ebedo ku tic dupa i adhura mi Yuda; ku dhanu mir ali, dhanu ma tek ma jurukara, i Yerusalem.

¹⁴Man maeni welgi calku udi pa weggi: Mi Yuda, jego mi rubanga: Adna ma jego, man karacelo kude dhanu ma tek ma jurukara rubanga dak adek;

¹⁵m’ulube de Yehohanan ma jego, man karacelo kude dhanu rubanga dak ario ku pier abora;

¹⁶man m’ulube Amasia ma wod Zikri, m’emire gire ku berocwiny ni Yehova; man karacelo kude dhanu ma tek ma jurukara rubanga dak ario.

¹⁷Man mi Benyamin: Eliada ng’atu ma tek ma jarukara, man karacelo kude dhanu ma weg atum ku ban rubanga dak ario;

¹⁸man m’ulube Yehozabad, man karacelo kude dhanu m’ubedo ayika mir ali rubanga dak acel ku pier abora.

¹⁹Maeni gijuma timo ni ubimo, umedo ju m’ubimo ketho i adhura ma tek i Yuda ceke mba mba.