Read Alur Nehemia 1 Bible Online

Nehemia 1 - Alur bible

Nehemia 1

¹Lembe pa Nehemia ma wod Hakalia. Nie etimbre i dwi Kislev, [1] i rundi pier arionde, nwang’u ani i Cucan ma odker,

²nia Hanani, ma ng’atu acel ma kind juwada, ubino, giku jumange m’uai i Yuda; man apenjogi pi Juyahudi m’uboth, m’udong’ mi ng’eca, man pi Yerusalem.

³E giwacu ira kumae, Dong’ dhanu m’udong’ mi ng’eca kuca i ng’etker gini i masendi ma dit man cac: gang’kidi mi Yerusalem bende jurwombo piny, man dhugang’ne de juwang’u ku mac.

⁴Man etimbre, kinde m’awinjo lembe maeni, nia abedo piny man aywak, e can unega nindo moko; man aweko cam arwo de i wang’ Mungu m’i polo,

⁵man awacu kumae, Akwei, E Yehova, Mungu m’i polo, Mungu ma dwong’ ma jang’oi ndiri, ma gwoko lembariba man mer mi bero ku ju m’umare m’uworo lembariba pare:

⁶kawono wek ithi bed acika, weng’i de ayaba, kara iwinj rwo pa jatic peri, m’arwo i weng’i i nindo maeni, dieceng’ ku diewor, pi nyithindho mir Israel ma jutic peri, kinde m’atuco dubo mi nyithindho mir Israel, ma wadubo iri. Eyo, an ku ot pa vwa wadubo:

⁷watimo rac dit i beng’i, man wawolo lembang’ola ngo, kadok cik de, kadi lembapoka, m’ing’olo ni jatic peri Musa.

⁸Poi, akwei, pi lembe m’ing’olo ni jatic peri Musa, m’iwacu kumae, Tek wukier, abilaluwu mba mba i kind kodhidhanu:

⁹ento tek wudwogo i bang’a, man wuworo lembang’ola para wutimogi de, kadok dhanu mu ma juriemo gini i kajik mi ng’et polo, ento abicokogi ku kuca, man abikelogi i ka m’afoyo, kara aketh nyinga bed keca.

¹⁰Nie joni gi jutic peri man dhanu peri, m’iwaru ku tego peri ma dit, man ku cingi ma tek.

¹¹E Rwoth, akwei, kawono wek ithi bed acika ni rwo pa jatic peri, man ni rwo mi jutic peri, ma anyong’a migi en e lworo nyingi; akwei, keth lembe bed miero ni jatic peri tin, man imi ire kisa i wang’ ng’atu maeni. (Nwang’u an a jating’ kikombe p’ubimo.)