Read Alur Nehemia 12 Bible Online

Nehemia 12 - Alur bible

Nehemia 12

¹Nie maeni gi julam ku Julawi m’uidho malu karacelo ku Zerubabel ma wod Cealtiel, ku Yecuwa: Seraya, man Yeremia, man Ezra,

²man Amaria, man Maluk, man Elatuc,

³man Cekania, man Rehum, man Meremoth,

⁴man Ido, man Ginethoi, man Abija,

⁵man Mijamin, man Madia, man Bilga,

⁶man Cemaya, man Yoiarib, man Yedaya,

⁷man Salu, man Amok, man Hilkia, man Yedaya. Maeni gi judongo mi julam man mi uturneggi i nindo pa Yecuwa.

⁸Mange ke Julawi: Yecuwa, man Binui, man Kadmiel, man Cerebia, man Yuda, man Matania, ma en e wi foyofoc, giku utumin.

⁹Bakbukia bende ku Uno, man uturneggi, gibedo yor i kumgi calku tic migi.

¹⁰Man Yecuwa nyolo Yoiakim, man Yoiakim unyolo Eliacib, man Eliacib unyolo Yoiada,

¹¹man Yoiada nyolo Yonathan, man Yonathan unyolo Yadua.

¹²Man i ceng’ pa Yoiakim julam nuti, ma gi wi udi pa weggi: pa Seraya, Meraya; pa Yeremia, Hanania;

¹³pa Ezra, Meculam, pa Amaria, Yehohanan;

¹⁴pa Maluki, Yonathan; pa Cebania, Yusuf;

¹⁵pa Harim, Adna; pa Merayoth, Helkai;

¹⁶pa Ido, Zekaria; pa Ginethon, Meculam;

¹⁷pa Abija, Zikri; pa Miniamin, pa Moadia, Piltai;

¹⁸pa Bilga, Camua; pa Cemaya, Yehonathan;

¹⁹man pa Yoiarib, Matenai; pa Yedaya, Uzi;

²⁰pa Salai, Kalai; pa Amok, Eber;

²¹pa Hilkia, Hacabia; pa Yedaya, Nethanel.

²²Man pi Julawi, i nindo pa Eliacib, man Yoiada, ku Yohanan, man Yadua, jugorogi gi wi udi pa weggi; julam bende, i camuker pa Dario ma Jaajemi.

²³Wot Lawi, ma wi udi pa wego, jugoro i kitabu mi kei cil i ceng’ pa Yohanan ma wod Eliacib.

²⁴Man judongo mi Julawi ke: Hacabia, man Cerebia, man Yecuwa ma wod Kadmiel, ku uturneggi ma ni yor i bang’gi, kara gipak pak man gifoi foc, calku lembang’ola pa Daudi ma dhanu pa Mungu, kur ma ceng’ni kur.

²⁵Matania, man Bakbukia, man Obadia, man Meculam, man Talmon, man Akub, gi jukur dhugola ma gikuro otkanpiny mi dhugang’.

²⁶Maeni gini i nindo pa Yoiakim ma wod Yecuwa, ma wod Yozadak, man i nindo pa Nehemia ma jabim, man pa Ezra ma jalam ma jagorcik.

²⁷Man ka juthiero gang’kidi mi Yerusalem giyenyo Julawi kud i ka ma gini i ie ceke, kara gikelgi i Yerusalem, kara gitim thier kud anyong’a, man ku foyofoc, man ku wer, man kud umbukulumbu, man adungu, ku nanga.

²⁸E wot juwer gicoko dhoggi karacelo, kud i pambu m’utieko Yerusalem, man kud i pacu mi Junetofathi;

²⁹kud i Beth-gilgal bende, man kud i pothi mi Geba man Azmaveth: kum juwer gigomo pacu igi m’utieko Yerusalem.

³⁰Man julam ku Julawi gidwokri gigi leng’; e gidwoko dhanu leng’, ku dhugang’, man gang’kidi.

³¹Alund akelo judongo mi Yuda wi gang’kidi, man aketho udul ario ma dit ma gifoyo foc givodho avodha de; udul acel ucidho yo ku cing’ ma yor acwic wi gang’kidi ma yo ba dhugang’ mi weyo:

³²man yo ng’eigi Hocaya cidho ku ng’et judongomawijo mi Yuda,

³³man Azaria, ku Ezra, man Meculam,

³⁴man Yuda, man Benyamin, man Cemaya, man Yeremia,

³⁵man wot julam moko kud agwara: Zekaria ma wod Yonathan, ma wod Cemaya, ma wod Matania, ma wod Mikiya, ma wod Zakur, ma wod Asaf;

³⁶man utumin mire, Cemaya, man Azarel, ku Milalai, man Gilalai, man Mai, ku Nethanel, man Yuda, man Hanani, ku jamb wer pa Daudi ma dhanu pa Mungu; e Ezra ma jagorcik etelo wigi.

³⁷Man ba dhugang’ mi kulo mi pi, man yor i wang’gi atira, giidho ku wi kaidho mir adhura pa Daudi, ba kaidho mi gang’kidi, malu wi ot pa Daudi, cil ba dhugang’ mi pi ma yo nyangu.

³⁸Man udul mange mi ju m’ufoyo foc gicidho rombo kugi, man alubo ng’eigi, karacelo ku ng’et dhanu, wi gang’kidi, wi otkur mir uka, cil ba gang’kidi ma lac,

³⁹man wi dhugang’ pa Efraim, man ba dhugang’ ma con, man ba dhugang’ mi rec, ku otkur pa Hananel, man otkur pa Hamea, cil ba dhugang’ mi rombe: e gicungo ti i dhugang’ pa jakur.

⁴⁰Udul ario mi ju m’ufoyo foc i ot pa Mungu gicungo kumeni, man an, ku ng’et jubim wakugi;

⁴¹man julam ke, Eliakim, man Maseya, man Miniamin, man Mikaya, man Elioenai, man Zekaria, man Hanania, kud agwara;

⁴²man Maseya, ku Cemaya, man Eleazar, man Uzi, man Yehohanan, man Malkija, man Elam man Ezer. E juwer giwero ma tek, ku Yezrahia ma jawigi.

⁴³E gimio lam ma dit i ceng’ maeca, man anyong’a negogi; kum Mungu ketho anyong’a nyai ku mutoro ma dit; e mon ku nyithindho bende anyong’a negogi: ketho nia juwinjo mutoro mi Yerusalem ku bor.

⁴⁴Man i ceng’ maeca juketho dhanu wi kusika ni piny m’akana, pi lam m’ating’a, pi mwoka, man pi piny mir apaje, kara gicok i igi, calku pothi mir adhura, makapiny mi julam ku Julawi ma jung’olo ku cik: kum anyong’a nego Yuda kum julam ku Julawi ma gikuro.

⁴⁵E gikuro kur pa Mungu migi, man kur mi dwokrileng’, man juwer ku jukur dhugola gitimo kumeca, calku lembang’ola pa Daudi, man pa Suleman ma wode.

⁴⁶Kum i nindo pa Daudi kud Asaf ma con jadit mi juwer nuti, man wer mi pak ku mi foyofoc ni Mungu.

⁴⁷Man Israel ceke i nindo pa Zerubabel, man i nindo pa Nehemia, gimio makapiny mi juwer man mi jukur dhugola, calu cande nuti mi ceng’ ku ceng’; e gidwoko maeno leng’ ma mi Julawi; man Julawi gidwoko maeno leng’ ma mi wot Harun.