Read Alur Nehemia 3 Bible Online

Nehemia 3 - Alur bible

Nehemia 3

¹Eliacib ma jalam ma dit ulund uai malu ku juwagi ma julam man gigoyo dhugang’ mi rombe; gidwoke leng’, man giketho dhugolane cungo; cil kum otkur pa Hameya gidwoke leng’, kum otkur pa! Hananel.

²Man yo ng’eye dhanu mi Yeriko gigoyo. Man yo ng’eigi Zakur ma wod Imri goyo.

³Man dhugang’ mi rec wot Hasena I gigoyo; giketho riune, man giketho dhugolane cungo, kud utwindine, man utwindine m’ariwa.

⁴Man yo ng’eigi Meremoth ma wod Uria, ma wod Hakoz eyiko ayika. Yo ng’eigi ke Meculam ma wod Berekia, ma wod Mecezabel eyiko ayika. Man yo ng’eigi Zadok ma wod Bana eyiko ayika.

⁵Man yo ng’eigi Jutekoi giyiko ayika; ento judongo migi giketho ng’utg kum tic pa rwoth migi ngo.

⁶Man Yehoiada ma wod Paseya ku Meculam ma wod Besodeya giyiko dhugang’ ma con; giketho riune, man giketho dhugolane cungo, kud utwindine, man utwindine m’ariwa de.

⁷Man yo ng’eigi Melatia ma Jagibeoni, man Yadon ma Jameronothi, gi dhanu mi Gibeon, ku mi Mizpa, ma mi komker pa jabim ma loka Kulo.

⁸Yo ng’eye ke Uziel ma wod Harhaya, ma gi jubodho mi mola ma kwar, giyiko ayika. Yo ng’eye ke Hanania ma ng’atu acel m’i kind ju ma timo gin ma ng’wice ng’ar, giyiko ayika, e gidwoko Yerusalem tek cil kum gang’kidi ma lac.

⁹Man yo ng’eigi Refaya ma wod Hur, ma jabim mi ng’et bim mi Yerusalem, eyiko ayika.

¹⁰Yo ng’eigi ke Yedaya ma wod Harumaf, eyiko ayika yo kum ot pare. Man yo ng’eye Hatuc ma wod Hacabneya eyiko ayika.

¹¹Malkija ma wod Harim, man Hascub ma wod Pahath-moab, giyiko ng’ete mange, ku otra mir uka.

¹²Yo ng’eye ke Calum ma wod Halohec, ma jabim mi ng’et bim mi Yerusalem, giyiko giku nyige.

¹³Dhugang’ m’i poga Hanun, ku ju m’ubedo i Zanoa giyiko ayika; gigure, man giketho dhugolane cungo, kud utwindine, man utwindine m’ariwa, man bot rubanga mi gang’kidi cil kum dhugang’ mi weyo.

¹⁴Man dhugang’ mi weyo Malkija ma wod Rekab, ma jabim mi bim mi Beth-hakerem, eyiko ayika; egure, man eketho dhugolane cungo, kud utwindine, man utwindine de m’ariwa.

¹⁵Man dhugang’ mi pi ma dhenyni Calum ma wod Kol-hoze, ma jabim mi bim mi Mizpa, eyiko ayika; egure, man eume, man eketho dhugolane cungo, kud utwindine de, man utwindine m’ariwa, man gang’kidi mi kut Cela ma ceng’ni podho p’ubimo, cil kum giralora ma loro piny kud i adhura pa Daudi.

¹⁶Yo ng’eye ke Nehemia ma wod Azbuk, ma jabim mi ng’et bim mi Beth-zur, eyiko ayika, cil kum ka ma yo kum odliel pa Daudi, man kum kut ma jutimo, man kum ot mi dhanu ma jutego.

¹⁷Yo ku ng’eye ke Julawi giyiko ayika. Rehum ma wod Bani. Yo ku ng’eye ke Hacabia, ma jabim mi ng’et bim mi Keila, eyiko ni bim pare.

¹⁸Yo ng’eye ke utumeggi, ma Bavai ma wod Henadad, ma jabim mi ng’et bim pa Keila, giyiko ayika.

¹⁹Yo ng’eye ke Ezer ma wod Yecuwa, ma jabim mi Mizpa, uyiko ng’ete mange, yo ba kaidho kum ka ma jukanu ie ban i kagom mi gang’kidi.

²⁰Yo ku ng’eye Baruk ma wod Zabai eyiko ng’ete mange kud amora, ugambre i kagom mi gang’kidi utundo kum dhugola mi ot pa Eliacib ma jalam ma dit.

²¹Yo ku ng’eye Meremoth ma wod Uria ma wod Hakoz eyiko ng’ete mange ugambre kum dhugola mi ot pa Eliacib cil kum kajik mi ot pa Eliacib.

²²Man yo ng’eye julam, ma dhanu m’i ng’om mi Pambo giyiko.

²³Yo ng’eigi Benyamin ku Hascub giyiko yo kum ot migi. Yo ng’eye Azaria ma wod Maseya ma wod Anania eyiko ng’et ot pare gire.

²⁴Yo ng’eye Binui ma wod Henadad eyiko ng’ete mange, ugambre kum ot pa Azaria utundo kum kagom mi gang’kidi, man kum gunde.

²⁵Palal ma wod Uzai eyiko yo kum kagom mi gang’kidi, man odkur m’ucungo kud i ot ma malu p’ubimo, ma en e ceng’ni lelagang’ mi jukur. Yo ng’eye Pedaya ma wod Paroc uyiko ayika.

²⁶(Nwang’u Junethini gibedo i Ofel, cil kum ka ma yo kum dhugang’ mi pi ma yo nyangu, ku odkur m’ucungo ngong’.)

²⁷Yo ng’eye Jutekoi giyiko kume moko mange, yo kum odkur ma dit m’ucungo ngong’, man cil kum gang’kidi mir Ofel.

²⁸Wi dhugang’ mi riuni julam giyiko, ku ba dhanu nzu ng’atuman yo kum ot pare gire.

²⁹Yo ng’eigi Zadok ma wod Imer eyiko yo kum ot pare gire. Man yo ng’eye Cemaya ma wod Cekania, ma jakur dhugang’ ma yo nyangu, eyiko ayika.

³⁰Yo ng’eye Hanania wa wod Celemia, ku Hanun ma wod Zalaf mir abusiende, eyiko kume moko mange. Yo ng’eye Meculam ma wod Berekia eyiko yo kum kusika pare.

³¹Yo ng’eye Malkija ma ng’atu acel ma kind jubodho mi mola ma tar eyiko cil kum ot mi Junethini, man mi ju ma loko kuloka, yo kum dhugang’ mi Hamifakad, man kum kaidho mi gui.

³²Man i kind kaidho mi gui ku dhugang’ mi rombe jubodho mi mola ma kwar ku ju ma loko kuloka giyiko.