Read Alur Nehemia 6 Bible Online

Nehemia 6 - Alur bible

Nehemia 6

¹Nie etimbre, kinde ma juyero ni Sanbalat ku Tobia, man ni Gecem ma Jaarabi, man ni dong’ jukwojwa, nia adaru goyo gang’kidi, man nia ka m’uiiior moko mbe i ie m’udong’ (kadok cil i nindo maeca fodi aketho dhugola cungo ngo i dhugang’),

²nia Sanbalat ku Gecem gioro kwenda i bang’a, giwacu kumae, Bin, warombu i pacu acel mi ng’om pambu mi Ono. Ento giparu lembe ya gitima rac.

³E aoro jukwenda i bang’gi, awacu kumae, Abetimo tic ma dit, kum kumeno acopo loro piny ungo: nedi tic ujiki, kinde m’aweke, aloro piny i beng’wu?

⁴E gioro kwenda i bang’a wang’ ang’wen calu maeni; e aloko igi lembe calu maeca.

⁵Sanbalat ulund uoro jatic pare i bang’a calu maeca wang’ abije ku waraga m’ayaba i cinge,

⁶ma jugoro i ie kumae, Lembe yik i kind thek, e Gecem yero lembene en, nia in ku juyahudi wuporo lembe mi jai; kum lembe nini ibegoyo gang’kidi: man iyenyo ibed ubimo migi, calku lembe maeni.

⁷Man iketho jubila kara giyer piri i Yerusalem, giwacu kumae, Ubimo nuti i Yuda: man kawono jubiyero lembene ni ubimo calku lembe maeni. Ka kumeno kawono bin, waporu lembe karacelo.

⁸Alund aoro kwenda i bang’e, awacu kumae, Jutimo wagi lembe ma calu iwacu no ngo, ento icwio lembene ku i adundeni giri.

⁹Kum kagi ceke giyenyo ginyai lworo i iwa, giwacu kumae, Cing’gi bitur kum tic, kara kud etimbre. Ento kawono, E Mungu, dwok cinga tek.

¹⁰E amondo i ot pa Cemaya ma wod Delaya ma wod Mehetabel, ma jutwio; e ewacu kumae, Dong’ wacoku dhogwa i ot pa Mungu, i hekalu, man wek waeiku dhugola mi hekalune: kum gibibino negi; eyo, gibino negi ku diewor.

¹¹E awacu kumae, Emaku piny nia ng’atu ma calu an uringi? man ng’a ma nuti, ma, tek e calu an, nf ebimondo i hekalu kara ebodh kwo pare? Abimondo ngo.

¹²E ang’io, man, nen, Mungu ore en ungo, ento eyero lembila maeni i kuma: man Tobia ku Sanbalat gimio ire sukulia.

¹³Kum lembe nini jumio ire sukulia, kara lworo maka, atim kumeno de, man adubi, kara gibed ku lembe pi lembayera ma rac, kara gicaya.

¹⁴E Mungu para, poi kum Tobia man Sanbalat calku tic migi maeni, man kum Noadia ma jabila ma nyaku bende, man kum dong’ jubila, ma giyeiiyo ginyai lworo i ia.

¹⁵Kum kumeno gang’kidine thum i ceng’ pier ario wi abije mi dwi Elul,[3] i ceng’ pier abic wi ario.

¹⁶Man etimbre, kinde ma jukwojwa ceke giwinjo pire, nia thek ceke m’utiekowa lworo iriakugi, e gijwik i wang’gi gigi; kum ging’eyo nia tic maeni timbre ni kum Mungu mwa.

¹⁷Karacelo ku maeni i ceng’ maeca weg yung mi Yuda gioro waraga dupa ni Tobia, e waraga pa Tobia bino i bang’gi.

¹⁸Kum dhanu dupa mi Yuda gikwong’o ire, kum en e jalwod Cekania m’a wod Ara; man Yehohanan ma wode gamu nyar Meculam ma wod Berekia ni dhaku;

¹⁹Giyero pi tic pare ma ber bende i wang’a, man gidwoko lembe para ire. E Tobia oro waraga kara unyai lworo i ia.