Read Alur Ester 7 Bible Online

Ester 7 - Alur bible

Ester 7

¹Ka kumeno ubimo ku Haman gibino ba cemo giku Ester ma ci ubimogi.

²E ubimo wacu kendo ni Ester i ceng’ mir arionde mi cemo mi pigulok kumae, Penji peri ang’o, Ester ma ci ubimo? e ebimire iri: man girakwaya peri ang’o? ebitimbre kadok ng’etker ngi.

³Ester ma ci ubimo loko lembe man ewacu kumae, Tek anwang’u bero i weng’i, E ubimo, man tek emaku i ubimo, dong’ kwo para mire ira kum penji para, man mi juthu wa kum kwac para:

⁴kum jung’iewowa, an ku juthuwa, kara junyothwa, junegwa, man jurwinywa. Ento tek jung’iewowa wabed jumiru ma co man bong’, kuno di aling’, kadok jadegi copo culo ngo pi nyoth p’ubimo.

⁵Ubimo ma Ahasuerus ulund uweco eyero ni Ester kumae, En e ng’a, eni kani, ma cwinye tek m’epido lembe i adundene m’etim ko kumeni e?

⁶E Ester uwacu kumae, Jadegi man jakwor, en e Haman maeni ma rac. E lworo lund umaku Haman i wang’ ubimo man i wang’ ci ubimo,

⁷E ubimo ai ku kwinyo ku dhu cemo mi pigulok man ecidho i podho mi odker: e Haman ucungo kara ekwai Ester ma ci ubimo pi kwo pare; kum eneno nia ubimo keco lembe ma rac i wie.

⁸Ubimo lund udwogo kud i podho mi odker emondo i ka cemo mi pigulok; nwang’u Haman upodho wi kabedo ma Ester ubedo i wie. Ubimo lund uwacu kumae, Eyenyo etim ci ubimo rac i wang’a i oti? Kinde ma lembe wok ku dhu ubimo giumo wang’ Haman.

⁹Harbona, en e ng’atu acel ma kind jutic ma bedo wang’ ubimo, ulund uwacu kumae, Nen bende, yen m’agura ma kadongone bot pier abic, ma Haman ukunyo pi Mordekai, m’uyero ber pir ubimo, ucungo i ot pa Haman. E ubimo wacu kumae, Wuliere wi yenduca.

¹⁰Ka kumeno giliero Haman wi yen m’agura m’eyiko pi Mordekai. E ka kwinyo p’ubimo kwio.