Read Alur Ai 24 Bible Online

Ai 24 - Alur bible

Ai 24

¹Man ewacu ni Musa kumae, Wuidh malu ba Yehova, wuku Harun, ku Nadab, man Abihu, ku judongo pier abiro mir Israel; man wurwo ku bor:

²man Musa kende e ma bicoro ceng’ni Yehova; ento gibibino ceng’ni ngo; kadok dhanu de gibiidho malu karacelo kude ngo.

³E Musa bino man eyero ni dhanu lembe ceke pa Yehova, ku lembapoka ceke: e dhanu ceke giloko lembe ku dwandgi acel, man giwacu kumae, Wabitimo lembe ceke ma Yehova wacu.

⁴Man Musa goro lembe ceke pa Yehova, man eai pir kugweno, man eguro pemblam the got, ku mbegi apar wi ario, calku suru mir Israel apar wi ario.

⁵Man eoro awobi mi nyithindho mir Israel, m’uthiero lam m’awang’a, m’ulamu lam mi kwiocwiny de mi koni dhiang’ ni Yehova.

⁶E Musa gamu rimo kurucel, man ekethe i tabu; man rimo kurucel ekiro wi pemblam.

⁷Man egamu kitabu mi lembariba, man esome i vut dhanu: e giwacu kumae, Wabitimo gin ceke ma Yehova wacu, man wabibedo wor.

⁸E Musa gamu rimone, man ekire wi dhanune, man ewacu kumae, Nen rimo mi lembariba, ma Yehova timo kudu pi lembe maeni ceke.

⁹Musa, giku Harun, ku Nadab, man Abihu, ku judongo mir Israel pier abiro gilund giidho:

¹⁰e gineno Mungu mir Israel; man gin ma tek mi kidi ma tek ma ie nen uluga, ni the tiende, calu polo m’ulero cwe.

¹¹Man eketho cinge wi judongo mi nyithindho mir Israel ungo: e gineno Mungu, man gicamu gimadhu de.

¹²Man Yehova wacu ni Musa kumae, Idh malu i bang’a wi got, man ibed keca: man abimio iri bankidi, ku cik man lembang’ola, m’a goro, kara iponjgi.

¹³E Musa ai malu, ku Yocuwa ma jatic pare: e Musa idho malu wi got ba Mungu.

¹⁴Man ewacu ni judongo kumae, Wukurwa keni, maram wabidwogo ko kendo i beng’wu: man, nen, Harun giku Hur gini karacelo kudu; ng’atu ma tek ubedo ku lembe, wek ecor i bang’gi.

¹⁵E Musa idho malu wi got, man afuru umo got.

¹⁶Man dwong’ pa Yehova bedo wi got Sinai, e afuru ume ceng’ abusiel: e i ceng’ mir abirone elwong’o Musa ku kind afuru.

¹⁷Man nen mi dwong’ pa Yehova en e calu mac m’ubewang’ wi got i wang’ nyithindho mir Israel.

¹⁸E Musa mondo kind afuru, man eidho malu wi got: man Musa bedo wi got ceng’ pier ang’wen ku diewor pier ang’wen.