Read Alur Ai 27 Bible Online

Ai 27 - Alur bible

Ai 27

¹Man itim pemblam ku yendulu, kaborne bot abic, man kalacne bot abic; pemblamne bibedo rom rom: man kadongone bibedo bot adek.

²Man itim tunge wi gunde ang’wen; tunge bibedo mi piny acel karacelo kude: man imwone ku mola.

³Man itim agulune mi kabu vuru, kud upalne, man alibine, ku golne mi ring’o, man atanglane mi mac: tim agulune ceke ku mola.

⁴Man itim girakada mi tic mi voi mi mola pire; man itim wende ang’wen wi voine mola i gunde ang’wen.

⁵Man iketh voine the dhu pemblam utiek pemblam yo piny, kara voine tund i die pemblam.

⁶Man itim yen mi pemblam, yen mi yendulu, man imwongi ku mola.

⁷Man juroi yende i wende, man yende bibedo wi ng’et pemblam ario, i kinde mi yeine.

⁸Tim pemblam ma ie thwolo ku bau: calu m’unyuthre iri wi got, e jubitime kumeca.

⁹Man itim lelagang’ mi hema: mi ng’ete ma yor ariwa ma piny m’ulokre yo piny gang’bongu ma nwang’ ma ber m’awia bibedo nuti mi lelagang’ ma kaborne bot dak acel mi ng’ete acel:

¹⁰man mbegine bibedo pier ario, man werne pier ario, mi mola; gol mi mbegi man riune bibedo mi mola ma tar.

¹¹Mi ng’ete ma yor ariwa ma malu de kumeca gang’bongu bibedo nuti ma kaborne bot dak acel, man mbegine pier ario, man weme pier ario, mi mola; gol mi mbegi, man riune, mi mola ma tar.

¹²Man gang’bongu bibedo nuti mi kalac mi lelagang’ ma yo reto bot pier abic; mbegine apar, man weme apar.

¹³Man kalac mi lelagang’ i ng’ete ma yo nyangu m’ulokre yo nyangu bibedo bot pier abic.

¹⁴Gang’bongu mi ng’et dhugang’ acel bibedo bot apar wi abic; mbegine adek, man werne adek.

¹⁵Man mi ng’ete mucelo gang’bongu bibedo bot apar wi abic; man mbegine adek, weme de adek.

¹⁶Man voi mi bot pier ario bibedo nuti wi dhugang’ mi lelagang’, mi gin m’ulweku, ku m’uluga, man ma kwar ngbo, man bongu ma nwang’ ma ber m’awia, ma tic pa jabodho mi kwoc mi ruko; mbegine ang’wen, man weme ang’wen.

¹⁷Mbegi ceke mi lelagang’ m’utieke gbur bibedo ku jambrib mi mola ma tar; golne de mi mola ma tar, man werne ke mi mola.

¹⁸Kabor mi lelagang’ne bibedo bot dak acel, man kalacne ceke pier abic, man kadongone bot abic, mi bongu ma nwang’ ma ber m’awia, man weme bibedo mi mola.

¹⁹Jamni ceke mi hema ma jutimo kudo i ticne ceke, ku gutene ceke, ku gute ceke mi lelagang’, bibedo mi mola.

²⁰Man ing’ol ni nyithindho mir Israel, kara gikel iri moj yau ma leng’ m’afoda mi thala, kara uketh thala liel thiri thiri.

²¹I hema mi cokri, yo woko mi kusikabongu ma ni i wang’ lembatuca, Harun giku wote gibiyike gambre uthieno cil kugweno i wang’ Yehova: ebibedo ni cik mi nja i kind dhanum’utuk migi pi nyithindho mir Israel.