Read Alur Yob 11 Bible Online

Yob 11 - Alur bible

Yob 11

¹E Zofar ma Janamathi, lund uloko lembe, man ewacu kumae,

²Udul lembe yenyo lembaloka ngo? Man jugonyo lembe ma wi ng’atu m’upong’ ku weci?

³Kulula peri ketho dhanu ling’i? Man kinde m’icayu ng’atu moko mbe ma binyayu lewic i wii?

⁴Kum iwacu kumae, Ponji para leng’, Man a leng’ i weng’i.

⁵Ento a, maku Mungu weci, Man eai dendhoge i kumi,

⁶Man enyuth iri giramung’a mi rieko mire! Kum kwond ng’eyong’ec pare dupa. Ka kumeno ng’ei nia Mungu poko lembe nok i wii m’uromo ku kier peri ngo.

⁷Icopo nwang’u gin ma thuth pa Mungu? Icopo nwang’u Jategokpo kilili?

⁸En e bor calu polo; icopo timo ang’o? E thuth ma sagu lieli? icopo ng’eyo ang’o?

⁹Mukerone bor ma sagu ng’om, Man kalacne sagu nam.

¹⁰Tek ekadhu, man eciko, Man elwong’o pokolembe, ng’a ma lund cere?

¹¹Kum eng’eyo dhanu mi ndra: Eneno kier bende, kadok eparu pire ngo.

¹²Ento ng’eyong’ec umbe ku ng’atu ma kite mbe, Eyo, junyolo dhanu calu nyathi kana m’i thim.

¹³Tek iketho adundeni atira, Man ithang’u cingi yor i bang’e;

¹⁴Tek kier ni i cingi, kethe bor cen, Man kud iyi gondri bed i hema peri.

¹⁵Andha tek kumeno ibiting’o weng’i malu ma lewic umbe; Eyo, ibicungo ki, man lworo binegi ngo:

¹⁶Kum wii biwil kum ndiba peri; Ibipoi pire calu pi m’umol.

¹⁷Man kwo peri bibedo terere ma sagu dieceng’; Kadok mudho nuti, ebibedo calu kugweno.

¹⁸E ibibedo museme, kum genogen nuti; Eyo, ibiyenyo i vuti, man ibiyom museme.

¹⁹Ibivuto bende, e ng’atu moko mbe ma binyayu lworo i ii; Eyo, dhanu dupa biyenyo weng’i.

²⁰Ento wang’judubo birem, E gibibedo mbe yo ma giring i ie; Man genogen migi en e mwonyocwiny.