Read Alur Yob 17 Bible Online

Yob 17 - Alur bible

Yob 17

¹Tipona nyothre, nindo para thum, Liel ubedo ayika ira.

²Andha jucac ni karacelo kuda, Man wang’a bedo wi nyayu ng’ecwiny migi.

³Mi mukwatu kawono, cung dhu lembe i kuma kud i beng’i; Ng’a ma biribo cinge kuda?

⁴Kum ipanu cwinygi ni ng’eyong’ec: Ka kumeno ibidodogi ngo.

⁵Ng’atu m’ueibo jurimbe ni amaci, Cil wang’ nyithindho pare bithum.

⁶Ento edwoka ni koi ni dhanu; E ging’ulo lau i wang’a.

⁷Wang’a bende via via ni kum can, Man wath kuma ceke gi calu tipopiny.

⁸Dhanu m’atira igi biwang’ lii kum maeni, Man cwiny ng’atu ma dubo mbe kude biyepo kum ng’atu ma ayi Mungu mbe i kume.

⁹Ento ng’atu ma pwe bimoko ki i yo pare, Man ng’atu ma cinge leng’ bicikudoko tek.

¹⁰Ento wun ceke, wubin kawono kendo; E abinwang’u ng’atu ma riek ungo i kindwu.

¹¹Nindo para kadhu, lembakeca para tur, En e pidoic m’i cwinya.

¹²Giloko diewor ni dieceng’: Der, giwacu, ni ceng’ni ku mudho.

¹³Tek aneno liel calu ot para; Tek apedho kavuto para i mudho;

¹⁴Tek awacu ni top kumae, In i vwa; Ni ukoko kumae, In i ma, man nyamira;

¹⁵Genogen para lund ubedo kani? Man pi genogen para, ng’a ma binene?

¹⁶Ebiloro piny bang’ utwindi mi liel, Kinde ma wang’ acel yom nuti i utur.