Read Alur Yob 19 Bible Online

Yob 19 - Alur bible

Yob 19

¹Yob ulund uloko lembe man ewacu kumae,

²Wubinyayu can i ng’eyong’ec para rokani, Man wubitura nziki nziki ku lembe?

³Wucaya wang’ apar maeni: Lewic unegowu ngo kum tima tek.

⁴Man kadok akier, Kier para dong’ i bang’a gira.

⁵Tek wubidodru giwu andha i kuma, Man wuyero pi cac para i kuma;

⁶Wung’ei kawono nia Mungu ng’iela i lembe para, Man etieka ku voi pare.

⁷Nen, aywak kum gin ma rac, ento juwinja ngo: Alwong’o kony, ento pokolembe mbe.

⁸Egoyo gang’ kum yo para kara kud akadhi, Man eketho mudho i yo para.

⁹Ewanyu dwong’ para kud i kuma, Man ekabu jamkermiwic kud i wia,

¹⁰Eredha piny kun ku kun, man ambe; Man efudho genogen para woko calu yen.

¹¹Eopo kwinyo pare bende i kuma, Man ekwana ire calu kind jasendne acel.

¹²Udul pare gibino karacelo, Man gidhuro yo migi i wia, Man giguro hema migi tieko hema para gbur.

¹³Ecoro utumira bor kuda, Man wabedo bor ku juwada.

¹⁴Wat para weka, Jurimba m’ang’io kugi wigi wil pira.

¹⁵Ju m’ubedo i ot para, ku bong’ para, gikwana ni jawirok: An a jawirok i wang’gi.

¹⁶Alwong’o jatic para, man eloko ira lembe ngo, Kadok apaku dhoga ire.

¹⁷Yuyo para bor ku dhaku para, Man kwac para ku nyithindho pa ma.

¹⁸Cil nyithindho ma nok gicaya; Tek aai, giyero lembe i kuma.

¹⁹Jurimba m’ang’io kugi ceke gidaga. Man ju m’amaru gilokri i wia.

²⁰Cogona moko kum dendkuma man kum ring’kuma, Man aboth ku dend laka.

²¹Wubed ku ngisi i kuma, wubed ku ngisi i kuma, E wun wu jurimba: Kum cing’ Mungu mulo kuma.

²²Nedi wunyayu ragedo i kuma calu Mungu, Man cwinywu kwio ngo kum ring’kuma?

²³A, maku lembe para kieure kawono mire! A, maku jukieugi i kitabu mire!

²⁴Nia jung’ikgi kum cana mi nja Ku lak kalamu mi nyunyu ku nying atum mire!

²⁵Ento an ang’eyo nia Jawama bedo kwo, Man ma cen ebicungo wi ng’om:

²⁶Man yo ng’ei dendkuma, maeni m’unyothre, Abilund neno Mungu ma ring’kuma mbe;

²⁷Ma an, ndhu an, abineno pira gira, E wang’a bineno, man calu jawirok ungo. Piera nyothre yor i ia.

²⁸Tek wuwacu kumae, Wabinyayu ragedo i kume mire ma! Man nia ulag lembe maeni nwangre i ia;

²⁹Lworo negwu kum palamularu: Kum kwinyo kelo masendi mi palamularu, Kara wung’ei nia pokolembe nuti.