Read Alur Yob 24 Bible Online

Yob 24 - Alur bible

Yob 24

¹Nedi Jategokpo kwero kanu nindo malu? Man nedi ju m’ung’eye kwero neno nindo pare?

²Ju ma kabu ayi kieu nuti; Giyaku udul rombe, e gikwayugi.

³Gileko kana mi kic cen; Gigamu koni dhiang’ pa dhaku ma cware tho ni mukwatu.

⁴Giloko jacanpiny kud i yo: Jucan ceke m’i ng’om pondo gigi,

⁵Nen, calu kana m’i thim m’i ng’om ngele E gicidho giwok woko ba tic migi, ma gibeyenyo cemo kud amora; Langa wodho igi kwen ni nyithindho migi.

⁶Ginyaru cemo migi i podho; Man gibeko kund ulok mi judubo.

⁷Givuto diewor soro muneru ma kendi mbe, Man girauma mbe kugi i koyo.

⁸Kumgi ng’ic ku koth mi gudi, Man gigwaku cana kum can kavogo.

⁹Ju ma kabu kic ku dhu thuno nuti, Man ma gamu mukwatu mi jucan;

¹⁰Ketho nia giwotho muneru m’umbe kendi, Man ma kec ubenegogi giyeyo kanga cam.

¹¹Gitimo mo yor i gang’kidi mi dhanu maeni; Ginyono pany mir ulok migi, man gisendri ku rieu.

¹²Dhanu cur acura gambre i adhura ma dhanu dit i ie, Man ng’eyong’ec mi dhanu ma jutong’o lero i kumgi ywak: Ento Mungu paru ngo pi lembe ma kite mbe.

¹³Maeni kind ju m’ujai ni der; Ging’eyo yoje ngo, Kadok i yoje de gibedo ngo.

¹⁴Janek ai ku der; Enego jacan ku jacanpiny; Man ku diewor en e calu jakwo.

¹⁵Wang’ ng’atu ma dubre swa bende kuro yuthopiny, Ewacu kumae, Wang’ moko mbe ma binena: Man eumo wang’e.

¹⁶Gikunyo the udi ku diewor: Giciko bang’gi gigi ku dieceng’; Ging’eyo der ungo.

¹⁷Kum kugweno bedo igi ceke calu mudho ma bii; Kum ging’eyo ndiri mi mudho ma bii.

¹⁸Gikadhu cen pio wi wang’ pi; Jukwong’o makapiny migi i ng’om: Gilokri i yo mi podho mir ulok ungo.

¹⁹Ndru ku lietho kabu pi mi pei pio: Liel de kabu ju m’udubo kumeca.

²⁰Le biparu pire ngo; Ukoko bicame mit; Jubipoi pire kendo ngo; Man gondri bitur calu yen.

²¹Emwony o mugumba ma nyol ungo, Man etimo dhaku ma cware tho rac.

²²Ento Mungu gwoko jatego ku tego pare: Ng’atu ma genogen mi kwo mbe kude, eai.

²³Mungu mio igi ya gibed museme, e giyom i wie; E wang’e bedo wi giratima migi.

²⁴Judodogi; ento nindo ma nok, e gicidho; Eyo, jujwigogi, jukabugi woko kud i yo calu jumange ceke, Man junyarugi calu with cam.

²⁵Man tek ebedo kumeno ngo kawono, ng’a ma binyutho nia an a jandra, Ma bithiro wec para de?